- ବଡଗମଡାକୁ ୧-୦ରେ ହରାଇ ଦେଶୀଲ ଚମ୍ପିୟାନ
ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ମୁରିବାହାଲ ବ୍ଲକ ମାଲିଶିରା ପଞ୍ଚାୟତ ଖଇରମାଲ ଗ୍ରାମରେ ଚତୁର୍ଥ ମା’ ବାହାରବାବୁ ଫୁଟବଲ ପ୍ରତିଯୋଗିତା ଗ୍ରାମର ଖେଳପଡିଆଠାରେ ଫୁଟବଲ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ଏହି ଫାଇନାଲରେ ବଡଗମଡା ଦଳକୁ ୧-୦ ଗୋଲରେ ହରାଇ ଦେଶୀଲ ଦଳ ଚମ୍ପିୟାନ ଆଖ୍ୟା ଅର୍ଜନ କରିଥିଲା । ଫାଇନାଲ ମ୍ୟାଚର ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପଶ୍ଚିମ ଓଡ଼ିଶା ବିକାଶ ପରିଷଦ ବିଶେଷଜ୍ଞ ସଦସ୍ୟ ହଂସରାଜ ଜୈନ, ସମ୍ମାନିତ ଅତିଥି ଶ୍ରୀଧର ମାଝୀ, ପୂର୍ବତନ ସରପଂଚ ଡୁଲାମଣି ବାଗ, ଗୋଇମୁଣ୍ଡର ପୂର୍ବତନ ସରପଞ୍ଚ କଶ୍ୟପ ସରାଫ ଓ ଯୁବନେତା ଅଭିଳାଷ ବଘାର ପ୍ରମୁଖ ଉପସ୍ଥିତ ରହିଥିଲେ । ଏହି ଫାଇନାଲ ମ୍ୟାଚରେ ମୁଖ୍ୟ ଅତିଥି ଶ୍ରୀ ଜୈନ ଶେଷ ପର୍ଯ୍ୟନ୍ତ ଉପସ୍ଥିତ ରହି ବିଜୟୀ ଦଳକୁ ଟ ୭୭୭୭/- ଓ ପରାଜୟ ଦଳକୁ ଟ ୫୫୫୫/- ରାଶି ସହ ଟ୍ରଫି ପ୍ରଦାନ କରିଥିଲେ । ସହଯୋଗ କରିଥିଲେ ନେପାଳ ଆଡ଼ଯୁଆଡ, ପିଣ୍ଟୁ ଦୀପ,ବରୁଣ ଲୁହା, ତୀର୍ଥ ଆଡ଼ଯୁଆଡ,ସୀତାରାମ ହାତୀ, ହର ମାଝୀ, ପୁରୁସ୍ତମ ମାଝୀ ଏବଂ ଆୟୋଜକ ଅନୁଷ୍ଠାନର ସମସ୍ତ କର୍ମକର୍ତା ସହଯୋଗ କରି ମ୍ୟାଚ୍ ସମାପନ କରିଥିଲେ ।