ବଲାଙ୍ଗିର, (ଦେବାଶିଷ ମିଶ୍ର) : ସ୍ଥାନୀୟ ପୋଲିସ ହାଇସ୍କୁଲ ମନୋହରପୁରଠାରେ ଓଡିଶା ସରକାରଙ୍କ ନିର୍ଦ୍ଦେଶରେ ଭାଷା, ସାହିତ୍ୟ ଓ ସୃଜନଶୀଳତା ବିକାଶ ପାଇଁ ବିଭିନ୍ନ ପ୍ରତିଯୋଗିତା ଛାତ୍ରଛାତ୍ରୀଙ୍କ ମଧ୍ୟରେ ଅନୁଷ୍ଠିତ ହୋଇଯାଇଛି । ଏଥିରେ କୃତି ପ୍ରତିଯୋଗୀମାନଙ୍କୁ ଅପରାହ୍ନ ସମୟରେ ଅନୁଷ୍ଠିତ ସଭାରେ ପୁରସ୍କୃତ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ବିରାଟ କେଶରୀ ପ୍ରଧାନ ସଭାପତିତ୍ୱ କରିଥିଲେ । ମୁଖ୍ୟବକ୍ତା ଭାବରେ ବିଦ୍ୟାଳୟର ପୁରାତନ ପ୍ରଧାନ ଶିକ୍ଷକ ଯାଜ୍ଞସିନୀ ମିଶ୍ର ଏବଂ ଅତିଥି ଭାବରେ ବିଦ୍ୟାଳୟର ଆଲୁମିନି କମିଟି ସଭାପତି ଗୋବିନ୍ଦ ବହିଦାର, ସଂପାଦକ ଜୟକିଶନ ରଣା, ଉପଦେଷ୍ଟା ଆନନ୍ଦ ଖୁଆସ ଯୋଗଦେଇ ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ । ଏଥିରେ ଛାତ୍ର ଛାତ୍ରୀଙ୍କ ସହ ଅନେକ ଅଭିଭାବକ, ଅଭିଭାବିକା ଯୋଗଦେଇ କାର୍ଯ୍ୟକ୍ରମକୁ ଉପଭୋଗ କରିଥିଲେ । ପିଲାମାନଙ୍କ ଦ୍ୱାରା ନୃତ୍ୟ, ଗୀତ ପରିବେଷଣ କରାଯାଇଥିଲା । ଶେଷରେ ବିଦ୍ୟାଳୟର ବରିଷ୍ଠ ଶିକ୍ଷକ ସରୋଜ କୁମାର ମାଝି ଧନ୍ୟବାଦ ଦେଇଥିଲେ ଏବଂ ବିଦ୍ୟାଳୟର କର୍ମଚାରୀ ପରୀକ୍ଷିତ ପଣ୍ଡା, କୃଷ୍ଣପ୍ରୀୟା ପଣ୍ଡା, ଶରତ ନାଗ, ବିମଳ ଦନାୟତ ଏବଂ ବିଦ୍ୟାଳୟର ବିଇଡି ଛାତ୍ରଛାତ୍ରୀମାନେ ସହଯୋଗ କରିଥିଲେ ।