ପଦ୍ମପୁର, (ନିରୋଜ କୁମାର ପାଣୀ) : ମହୁଲପାଲି ବୁକୁରାମୁଣ୍ତା ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଶ୍ରୀ ଅରବିନ୍ଦଙ୍କ ୧୫୦ତମ ଜନ୍ମ ଶତ ବାର୍ଷିକ ଅମୃତ ମହୋତ୍ସବ ସ୍କୁଲ ପରିସର ମଧ୍ୟରେ ଉଦ୍ଯାପିତ ହୋଇଯାଇଛି । ଏହି ସମାରୋହ ଶ୍ରୀ ଅରବିନ୍ଦ ପାଠଚକ୍ର ଓ ଶିକ୍ଷାକେନ୍ଦ୍ର ଉଦ୍ୟୋକ୍ତା ଲିଙ୍ଗରାଜ ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ପଦ୍ମପୁର ପୂର୍ବତନ ବିଧାୟକ ପ୍ରଦୀପ ପୁରୋହିତ, ଡା. ମୁରଲୀ କ୍ରିଷ୍ଣା ଯୋଗଦାନ କରି ଛାତ୍ରଛାତ୍ରୀମାନଙ୍କୁ ଶିକ୍ଷାପ୍ରତି ଗୁରୁତ୍ୱ ଦେବା ସହିତ ଭବିଷ୍ୟତକୁ ଉଜ୍ୱଳମୟ କରି ଗଢି ତୋଳିବା ପାଇଁ ଆହ୍ୱାନ କରିଥିଲେ । ସମ୍ମାନିତ ଅତିଥି ଭାବରେ ବୁକୁରାମୁଣ୍ତା ସରପଞ୍ଚ ଶ୍ରୀମତୀ ଅନିତା ଭୋଇ, ଟେମରୀ ସରପଞ୍ଚ ଦିଲ୍ଲୀପ କୁମାର ବେହେରା ପ୍ରମୁଖ ଯୋଗ ଦେଇଥିଲେ । ସ୍କୁଲ ସଭାପତି ଯୁବରାଜ ପଧାନ, ଅଧ୍ୟକ୍ଷ ପଞ୍ଚାନନ ବିଶି, ସଂପାଦକ ଯୁଧିଷ୍ଠିର ପ୍ରଧାନ ପ୍ରମୁଖ ଏହି ସମାରୋହକୁ ପରିଚାଳନା କରିଥିଲେ । ଶେଷରେ ସ୍କୁଲ ଛାତ୍ରଛାତ୍ରୀମାନଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।