ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ତାଇକଣ୍ଡୋ ସଂଘ ସାଧାରଣ ସମ୍ପାଦକ ତଥା କୋଚ ଅସୀମ କୁମାର ଭୋଇଙ୍କ ସହ ସାନଭି ପଧାନ ଆଜି ଡେରାଡୁନ ଅଭିମୁଖେ ଯାତ୍ରା କରିଛନ୍ତି । ପୁରୀଠାରେ ଅନୁଷ୍ଠିତ ରାଜ୍ୟସ୍ତରୀୟ ସବ୍ ଜୁନିୟର ତାଇକଣ୍ଡୋ ପ୍ରତିଯୋଗିତାରେ ବଲାଙ୍ଗିରର ସାନଭି ପଧାନ ସ୍ୱର୍ଣ୍ଣ ପଦକ ହାସଲ କରି ଜାତୀୟସ୍ତରୀୟ ପ୍ରତିଯୋଗିତାରେ ଭାଗ ନେବା ପାଇଁ ମନୋନୀତ ହୋଇଛନ୍ତି । ଆସନ୍ତା ଡିସେମ୍ବର ୧ ରୁ ୩ ତାରିଖ ପର୍ଯ୍ୟନ୍ତ ଡେରାଡୁନଠାରେ ଜାତୀୟସ୍ତରୀୟ ତାଇକଣ୍ଡୋ ପ୍ରତିଯୋଗିତା ଅନୁଷ୍ଟିତ ହେବାକୁ ଯାଉଛି । ଏଥିରେ ସାନଭି ପଧାନ ବିଲୋ ୩୨ କେଜି ବାଳିକା କ୍ୟୁଋଗୀ ଫାଇଟ ବିଭାଗରେ ଓଡ଼ିଶାଋ ପ୍ରତିନିଧିତ୍ୱ କରିବେ ବୋଲି କୋଚ ଅସୀମ ଭୋଇ ଗଣମାଧ୍ୟମକୁ ସୂଚନା ଦେଇଛନ୍ତି । ଏହି ଜାତୀୟ ତାଇକଣ୍ଡୋ ପ୍ରତିଯୋଗିତା ପାଇଁ ଅସୀମ କୁମାର୍ ଭୋଇ ଓଡ଼ିଶାରୁ ଅଫିସିୟାଲ୍ କୋଚ ଭାବେ ମନୋନୀତ ହୋଇଥିବା ଓଡ଼ିଶା ରାଜ୍ୟ ତାଇକଣ୍ଡୋ ସଂଘ ସାଧାରଣ ସମ୍ପାଦକ ମନମୋହନ ଭଞ୍ଜ ସୂଚନା ଦେଇଛନ୍ତି । ପ୍ରକାଶ ଥାଉଚି ସାନଭି ପଧାନ ଲିଟିଲ ଫ୍ଲାୱାର ସ୍କୁଲର ପଞ୍ଚମ ଶ୍ରେଣୀରେ ପଢୁଛନ୍ତି ଓ ରେଲ୍ୱେ ଷ୍ଟେସନ ଛକ ସ୍ଥିତ ଅସୀମ ତାଇକଣ୍ଡୋ ଏକାଡେମୀରେ ତାଇକଣ୍ଡୋ ପ୍ରଶିକ୍ଷଣ ନେଉଛନ୍ତି ।