ଗାଇସିଲାଟ, ( ନିରୋଜ କୁମାର ପାଣୀ) : ପଞ୍ଚାୟତ ସମିତି ମହାବିଦ୍ୟାଳୟ, ଗାଇସିଲାଟରେ ଓଡିଆ ଭାଷା ଓ ସାହିତ୍ୟ ବିଭାଗ ଆନୁକୁଲ୍ୟରେ ପ୍ରଥମ ବର୍ଷ ଛାତ୍ରଛାତ୍ରୀ ମାନଙ୍କ ପାଇଁ ସ୍ଵାଗତ ସମ୍ବର୍ଦ୍ଧନା ଉତ୍ସବ ପାଳିତ ହୋଇଅଛି । ବିଭାଗୀୟ ମୁଖ୍ୟ ଡ. ଜୟକେତନ ତ୍ରିପାଠୀଙ୍କ ସଭାପତିତ୍ଵରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ମହାବିଦ୍ୟାଳୟର ଅଧ୍ୟକ୍ଷ ଜଗଦୀଶ କୁମାର ଠାକୁର ଓ ସମ୍ମାନିତ ଅତିଥି ଭାବରେ ରାଜନୀତି ବିଜ୍ଞାନ ପ୍ରାଧ୍ୟାପକ ଅର୍ଜୁନ କୁମାର ମହାନ୍ତି, ଖେଳ ଶିକ୍ଷକ ହେମନ୍ତ କୁମାର ପଣ୍ଡା ଯୋଗ ଦେଇଥିଲେ । ମୁଖ୍ୟ ବକ୍ତା ଭାବରେ ସଂସ୍କୃତ ବିଭାଗ ପ୍ରାଧ୍ୟାପକ ନାରାୟଣ ମିଶ୍ର ସହ ଓଡିଆ ବିଭାଗର ଅଧ୍ୟାପକ ଅରବିନ୍ଦ ପ୍ରଧାନ, ଅଧ୍ୟାପିକା ବୀଣାପାଣି ତାଣ୍ଡି ଓ ଅଧ୍ୟାପିକା ସଙ୍ଘମିତ୍ରା ସାହୁ ମଞ୍ଚାସୀନ ଥିଲେ । ଛାତ୍ରଛାତ୍ରୀ ମାନଙ୍କ ଦ୍ଵାରା ପ୍ରାରମ୍ଭିକ ସଂଗୀତ ଗାନ ଓ ଅତିଥି ମାନଙ୍କ ଦ୍ଵାରା ପୂଜାର୍ଚ୍ଚନା କରି କାର୍ଯ୍ୟକ୍ରମ ଆରମ୍ଭ ହୋଇଥିଲା । ମୁଖ୍ୟବକ୍ତା ଛାତ୍ରଛାତ୍ରୀ ମାନଙ୍କୁ ଭବିଷ୍ୟତରେ ଜଣେ ଉତ୍ତମ ମଣିଷ ହେବାର ମାର୍ଗଦର୍ଶନ କରିଥିଲେ । ଛାତ୍ରୀ ବର୍ଷ।ର।ଣୀ, ଅଞ୍ଜୁ, ପମି, ବିନତି, ଭାରତୀ, ହିମାଳୟା ଓ ନଳିନୀ ମଞ୍ଚ ପରିଚାଳନା କରିଥିବା ବେଳେ ତୃପ୍ତି, ଦଶମୀ, ଛତ୍ରିଆ,ଦଶମୀ ସୁନା, ପଞ୍ଚମୀ, କ୍ଷୀରବତୀ, ଭାରତୀ ଓ ହିମାଳୟା ପ୍ରାରମ୍ଭିକ ସଙ୍ଗୀତ ଗାନ କରିଥିଲେ । ଛାତ୍ର ଆଶୁକବି ଯଶୋବନ୍ତ ସଙ୍ଗୀତ ମାଧ୍ୟମରେ ଅତିଥି ପରିଚୟ ପ୍ରଦାନ କରିଥିଲେ । ପ୍ରଥମ ବର୍ଷର ଛାତ୍ରୀ ସସ୍ମିତା, ଜୟନ୍ତୀ ଓ ବୀଣାପାଣି ଫ୍ରେସର ଅଫ ଦ ଇୟର ବିବେଚିତ ହୋଇଥିଲେ । ଶେଷରେ ଛାତ୍ର ମୁରାରୀ ସାହୁ ଧନ୍ୟବାଦ ଅର୍ପଣ କରିଥିଲେ ମହାବିଦ୍ୟାଳୟର ଓଡିଆ ବିଭାଗର ସମସ୍ତ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକା ଓ ସମସ୍ତ କର୍ମଚାରୀଙ୍କ ସହଯୋଗ ପାଇଁ କାର୍ଯ୍ୟକ୍ରମ ସଫଳ ହୋଇଥିବାରୁ ବିଭାଗୀୟ ମୁଖ୍ୟ ଡ. ତ୍ରିପାଠୀ ସମସ୍ତଙ୍କୁ ଅଭିନନ୍ଦନ ଜ୍ଞାପନ କରିଛନ୍ତି ।