କଂଟାବାଂଜି, (ଗୁରୁଦୟାଲ ହଂସ) : କଂଟାବାଂଜି ସହର ୱାର୍ଡ ନଂ. ୧୩ ସିଙ୍ଗାଲପଡାର ଜଣେ ଯୁବକଙ୍କ ଘରୁ ପୋଲିସ ସାଢେ ୩ କେଜି ଗଂଜେଇ ଜବତ କରି ରବିବାର ଅପରାହ୍ନରେ କୋର୍ଟ ଚାଲାଣ କରିଛି । ଜାମିନ ନାମଂଜୁର ହେବାରୁ ସ୍ଥାନୀୟ ସବ୍ ଜେଲକୁ ପଠାଯାଇଥିବା ପୋଲିସ ସୂଚନା ଦେଇଛି । କଂଟାବାଂଜି ଆଇ.ଆଇ.ସି. ରଶ୍ମିତା ବେହେରା ବିଶ୍ୱସ୍ତ ସୂତ୍ରରୁ ଖବର ପାଇ ସଦଳବଳେ ଶନିବାର ରାତିରେ ରଘୁନାଥ ପାଣିଗ୍ରାହୀ(୩୪)ଙ୍କ ଝୁପୁଡି ଘରୁ ସାଢେ ୩ କେଜି ଗଂଜେଇ ଜବତ କରି କୋର୍ଟ ଚାଲାଣ କରିଛି । କଂଟାବାଂଜି ଥାନା କେସ ନଂ୨୭୦ ଏନ.ଡି.ପି.ଏସ. ତା.୧୦.୦୯.୨୦୨୩ ରୁଜୁ କରି ଅଧିକ ତଦନ୍ତ କରୁଥିବା ଜଣାପଡିଛି । ଏହି କେସର ଅନୁସଂଧାନ ଅଧିକାରୀ ଏସ.ଆଇ. ସୁରେନ୍ଦ୍ର କୁମାର ଛତ୍ରିଆଙ୍କ ଠାରୁ ପ୍ରକାଶ ।