ବଲାଙ୍ଗିର, (ଦେବାଶିଷ ମିଶ୍ର) : ଆଜି ଭାରତ ଯୋଡୋ ଯାତ୍ରାର ପ୍ରଥମ ବର୍ଷ ପୂର୍ତ୍ତି ଉପଲକ୍ଷେ କଂଗ୍ରେସ ଭବନଠାରେ ବଲାଙ୍ଗିର ଜିଲ୍ଲା କଂଗ୍ରେସ କମିଟି ଦ୍ୱାରା ଏକ ସଭା ଅନୁଷ୍ଠିତ ହେବା ସହ ଗାନ୍ଧୀନଗରପଡା ସ୍ଥିତ ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତି ପର୍ଯ୍ୟନ୍ତ ପଦଯାତ୍ରା କରାଯାଇଥିଲା । ଏଠାରେ ଉଲ୍ଲେଖଯୋଗ୍ୟ ଯେ, ଦେଶରେ ବଢି ଚାଲିଥିବା ସାମ୍ପ୍ରଦାୟିକତାବାଦ, ବେରୋଜଗାରୀ, ଧାର୍ମିକ ଉନ୍ମାଦନା, ମୁଦ୍ରାସ୍ପିତି ତଥା କେନ୍ଦ୍ରର ମନମୁଖୀ ଶାସନ ବିରୋଧରେ ଭାରତୀୟ ଜାତୀୟ କଂଗ୍ରେସ ତରଫରୁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃତ୍ୱରେ ଭାରତ ଯୋଡୋ ଯାତ୍ରା ଆରମ୍ଭ କରାଯାଇଥିଲା । ଏହାର ଅଦ୍ଭୁତପୂର୍ବ ସଫଳତା ସରକାରଙ୍କ ଦୋଷ ଦୁର୍ବଳତାକୁ ସାମ୍ନାକୁ ଆଣିବାରେ ସକ୍ଷମ ହୋଇଛି ବୋଲି ଆଜି ସ୍ଥାନୀୟ କଂଗ୍ରେସ ନେତାମାନେ ମତପ୍ରକାଶ କରିଥିଲେ । ଆଜିର ଏହି ସଭାରେ ଜିଲ୍ଲା କଂଗ୍ରେସ କମିଟି ସଭାପତି ଦିଲ୍ଲୀପ ବେହେରା, ଉପସଭାପତି ମନୀଷ ମିଶ୍ର, ସନ୍ତକ ବହିଦାର, ନଗର କଂଗ୍ରେସ ସଭାପତି ବୁଲୁ ଦାନୀ, ମହିଳା କଂଗ୍ରେସ ସଭାନେତ୍ରୀ ମିଳନୀ ସାହୁ, ଜିଲ୍ଲା କଂଗ୍ରେସ କମିଟି କୋଷାଧ୍ୟକ୍ଷ ଜୁଲୁ ପଟ୍ଟନାୟକ, ସେବାଦଳ ମୁଖ୍ୟ ଅସିତ ମିଶ୍ର, ଜିଲ୍ଲା କିଶାନ କଂଗ୍ରେସ ସଭାପତି ସାନନ୍ଦ ମିଶ୍ର, ପଂଚାୟତରାଜ ସଂଗଠନର ମୁଖ୍ୟ ଅଜୟ ବାଲି ଏବଂ ଅନ୍ୟମାନଙ୍କ ମଧ୍ୟରେ ସଂଜୟ ମିଶ୍ର, ବିଦ୍ୟାଧର ସାହୁ, ଲୋପନ ମିଶ୍ର, ନାସିର ଖାନ, ନୀତିଶ ପଧାନ, ଶ୍ରୀଧର ବାରିକ, ଜୟ ସାହୁ, ଅମୂଲ୍ୟ ସେଠ, ଆକବର ଖାନ, ବବଲୁ ପାଣି, ବବିତା ସାହୁ, ସାଇନା ବେଗମ, କଳ୍ପନା, ସୁରେନ୍ଦ୍ର ଅଶ୍ୱପାଳ, ଜ୍ୟୋତିଷ ମୁଗ୍ରୀ, କିରନ ସେଠ, ଯୋଗେଶ୍ୱର ସାହୁ, ଆଲୋକ ନାଏକ, ଗୌରାଙ୍ଗ ସାହୁ, ସାନୁ ମନହିରା, ମନୋରଂଜନ ବିଶ୍ୱାଲ ପ୍ରମୁଖ ଯୋଗ ଦେଇଥିଲେ ।