ବଲାଙ୍ଗିର, (କେପିଏନ୍ଏସ୍) : କୃଷ୍ଣ ଜନ୍ମାଷ୍ଟମୀ ହେଉଛି ବାର୍ଷିକ ହିନ୍ଦୁ ପର୍ବ ଯାହାକି ବିଷ୍ଣୁଙ୍କ ଅଷ୍ଟମ ଅବତାର କୃଷ୍ଣଙ୍କର ଜନ୍ମଦିନ ପାଳନ କରାଯାଇଥାଏ । ଜେଏସ୍ଏମ୍ କମର୍ସ ଆଣ୍ଡ ଆର୍ଟ ମହାବିଦ୍ୟାଳୟରେ ଛାତ୍ରଛାତ୍ରୀ ଏବଂ ଶିକ୍ଷକ ଶିକ୍ଷୟିତ୍ରୀମାନଙ୍କ ମଧ୍ୟରେ ଜନ୍ମାଷ୍ଟମୀ ପର୍ବ ପାଳନ କରାଯାଇଛି । ଉକ୍ତ କାର୍ଯ୍ୟକ୍ରମରେ କଲେଜର ଅଧ୍ୟକ୍ଷ ସିଏ ଶ୍ରୀକାନ୍ତ ଶର୍ମା, ନିର୍ଦ୍ଦେଶିକା ସୁମନ ର୍ଶମା, ଉପଦେଷ୍ଟା ପିତବାସ ପଣ୍ଡା ଓ ପ୍ରଧାନ ଅଧ୍ୟାପିକା ମୋନିକ ଜେସଓ୍ୱାଲ ଉପସ୍ଥିତ ରହିଥିଲେ ପୁଣି ମୁଖ୍ୟ ଅତିଥି ଭାବରେ ସିଏ ଦିପକ ଛାପଡିଆ, ଶ୍ରୀମତୀ ନିକିତା ଛାପଡିଆ, ଅନିଲ୍ ମୋଦି ଯୋଗଦାନ କରି ସମସ୍ତଙ୍କୁ ଉସାହିତ କରିଥିଲେ । ପିଲାମାନେ ଆନେକ ପ୍ରକାର ନୃତ୍ୟ, ଗୀତ ପରିବେଷଣ କରିବା ସହିତ ଆପଣା ଆପଣା ଛୋଟ ଛୋଟ ଭାଇ ଭଉଣୀମାନଙ୍କୁ ରାଧା କୃଷ୍ଣ ବସ୍ତ୍ର ପରିଧାନ କରାଇ ଅତି ସୁନ୍ଦର ପରିବେଶ ସୃଷ୍ଟି କରିଥିଲେ । ନିଆର ଢଙ୍ଗରେ ଏହି ବର୍ଷ କଲେଜର ଛାତ୍ରଛାତ୍ରୀମାନଙ୍କ ମଧ୍ୟରେ ମଧ୍ୟ ଏକ ପ୍ରତିଯୋଗିତା ମୂଳକ ଦହି ହାଣ୍ଡି ଭଙ୍ଗା କାର୍ଯ୍ୟକ୍ରମ କରାଯାଇଥିଲା । ଶେଷରେ ମୁଖ୍ୟ ଅତିଥି ଅଧ୍ୟକ୍ଷ ସିଏ ଶ୍ରୀକାନ୍ତ ଶର୍ମା ଏବଂ ନିର୍ଦ୍ଦେଶିକା ସୁମନ ର୍ଶମା ପିଲାମାନଙ୍କୁ ତଥା ବିଜେତାମାନଙ୍କୁ ପୁରସ୍କାର ବିତରଣ କରିଥିଲେ ।