ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଛାତ୍ରୀମାନଙ୍କୁ ବୃକ୍ଷ ଚାରା ବଣ୍ଟନ ଉତ୍ସବ ବିଦ୍ୟାଳୟର କାର୍ଯ୍ୟକାରୀ ପ୍ରଧାନ ଶିକ୍ଷୟତ୍ରୀ ଗୋପାଳଜୀ ପ୍ରସାଦ ପାଣିଗ୍ରାହୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ପ୍ରକୃତି ବନ୍ଧୁ ମୀନକେତନ ସାହୁ ମୁଖ୍ୟ ଅତିଥି ତଥା ପଶ୍ଚିମ ଓଡିଶା କୃଷି କେନ୍ଦ୍ର ଦୀପ୍ତିପୁରର ସାଗର ସମ୍ମାନିତ ଅତିଥି ଭାବରେ ଯୋଗ ଦେଇ ୧୫୦ ଜଣ ଛାତ୍ରୀଙ୍କୁ ଚାରା ବଣ୍ଟନ କରଥିଲେ । ସଭାକୁ ସୁରେନ୍ଦ୍ର ଭୋଇ ପରିଚାଳନା କରିଥିବା ବେଳେ ଜ୍ୟୋତ୍ସ୍ନାରାଣୀ ସାହୁ, ଜୀବନାନନ୍ଦ ସାହୁ, ସଂଯୁକ୍ତା ଭୋଇ, ପ୍ରଭାତୀ ପଟ୍ଟନାୟକ, ଚକ୍ରଧର ନାୟକ, ନିଳିମା ରାଣୀ ମହାନ୍ତି, ସୁଷମା ଦାଶ, ଦୁଷ୍ମନ୍ତ ଛତର, ନନ୍ଦିନୀ ବାଗ ଓ କମଳା କୁମ୍ଭାର ସହାୟତା କରିଥିଲେ । ବିଦ୍ୟାଳୟର ଶିକ୍ଷୟତ୍ରୀ ଜ୍ୟୋତିରେଖା ମହନନ୍ଦଙ୍କ ଜନ୍ମଦିବସ ଉପଲକ୍ଷେ ଏକ ଚାରା ମୁଖ୍ୟ ଅତିଥି ସ୍ୱତନ୍ତ୍ର ରୂପରେ ଉପହାର ଦେଇଥିଲେ ।