ବରଗଡ଼, (ସତ୍ୟନାରାୟଣ ପଧାନ) : ବରଗଡ଼ ଓକିଲ ସଂଘ ର ନୂତନ ସଭାପତି ଭାବେ ଶ୍ୟାମ ସୁନ୍ଦର ଅଦାବର ନିର୍ବାଚିତ ହୋଇଛନ୍ତି । ଆଜି ସଂଘର ଲାଇବ୍ରେରୀ ହଲଠାରେ ଅନୁଷ୍ଠିତ ନିର୍ବାଚନରେ ସମ୍ପାଦକ ଭାବରେ ହରିହର ପ୍ରଧାନ, ଉପସଭାପତି ମାନଭଞ୍ଜନ ତ୍ରିପାଠୀ ଏବଂ ଯୁଗ୍ମ ସମ୍ପାଦକ ଭାବରେ ରାଜେନ୍ଦ୍ର ମହାନ୍ତି ନିର୍ବାଚିତ ହୋଇଛନ୍ତି । ସଂଘର ସମୁଦାୟ ସଦସ୍ୟମାନଙ୍କ ମଧ୍ୟରେ ୨୮୬ ଜଣ ଭୋଟ ଦେଇଥିଲେ । ନିର୍ବାଚନ ଅଧିକାରୀ ଭାବରେ ବରିଷ୍ଠ ଓକିଲ ଯୁଗଲ ପ୍ରସାଦ ସିଂ ପରିଚାଳନା କରିଥିଲେ। ତାଙ୍କୁ ସୋମଦତ୍ତ ମହାପାତ୍ର ଏବଂ କିଶୋର ଦଫାଦାର ସହଯୋଗ କରିଥିଲେ।
