ବଲାଙ୍ଗିର, (କେପିଏନ୍ଏସ୍) : ଆଗାମୀ ଭାଦ୍ରବ ମାସ ଶୁକ୍ଳ ପକ୍ଷ ପଞ୍ଚମୀ ତିଥିରେ ପଶ୍ଚିମ ଓଡ଼ିଶାର ମହାନ୍ ପର୍ବ ନୂଆଖାଇଁ ପଡ଼ୁଥିବା ବେଳେ ଆଜି ପରମ୍ପରା ଅନୁଯାୟୀ ବଲାଙ୍ଗିର ଶୈଳଶ୍ରୀ ପେଲେସ୍ରେ ଲଗ୍ନ ଘୋଷଣା କରିଛନ୍ତି ରାଜ ପୁରୋହିତ । ଆସନ୍ତା ସେପ୍ଟେମ୍ବର ୨୦ ତାରିଖ ଦିନ ୧୦ଟା ୨୮ମି.ରୁ ୧୦ଟା ୪୧ମି. ଭିତରେ ଇଷ୍ଟଦେବୀଙ୍କ ପାଖରେ ଲାଗିବ ନବାନ୍ନ । ଇଷ୍ଟଦେବୀଙ୍କ ରାଶି ନକ୍ଷତ୍ର ଆଧାରରେ ଅମୃତ ବେଳା ନିର୍ଦ୍ଧାରଣ କରିଛନ୍ତି ରାଜ ପୁରୋହିତ । ତେବେ ବଲାଙ୍ଗିର ଅଂଚଳରେ ଏହି ସମୟରେ ନିଜ ନିଜ ଇଷ୍ଟଦେବୀଙ୍କ ପାଖରେ ନବାନ୍ନ ଭୋଗ ଲଗାଇବା ପରେ ବଲାଙ୍ଗିରବାସୀ ନୂଆଁ ଖାଇବେ । ସବୁଠୁ ବଡ଼ ତିହାର ନୂଆଁଖାଇ ପାଳନ କରିବେ ।