ପଦ୍ମପୁର, (ନିରୋଜ କୁମାର ପାଣୀ) : ଝାରବନ୍ଧ ବ୍ଲକ ଅନ୍ତର୍ଗତ ତୁର୍ଲା ଗ୍ରାମରେ ଶିବ ଶାନ୍ତି ୟୁଥ ୟୁନିଅନ ଯୁବକ ସଂଘ ଦ୍ୱାରା ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ସମୁଦାୟ ୪୧ ଜଣ ଯୁବକ ରକ୍ତ ଦାନ କରିଛନ୍ତି । ସଭାପତି ଡୋଲାମଣି ତାଣ୍ଡି, ସମ୍ପାଦକ ଦେବେନ୍ଦ୍ର ମାଝୀ, ଜଗଦିଶ ସାହୁ, ଜିତେନ୍ଦ୍ର କୁମ୍ଭାର, ତରଣୀ ସାହୁ ସମେତ କ୍ଳବ ର ସମସ୍ତ ଯୁବକ ସହଯୋଗ କରିଥିଲେ । ତୁର୍ଲା ଭଳି ଗୋଟିଏ ଛୋଟ ଗ୍ରାମରେ ପ୍ରଥମ ଥର ପାଇଁ ରକ୍ତ ଦାନ ଶିବିର ଆୟୋଜନ କରି ଶିବଶକ୍ତି ୟୁଥ୍ ୟୁନିୟନ ଅଞ୍ଚଳରେ ପ୍ରଶଂସନୀୟ ତଥା ପ୍ରିୟ ପାତ୍ର ହୋଇ ପାରିଛନ୍ତି । ପଦ୍ମପୁର ରକ୍ତ ଦାନ ଭଣ୍ଡାର ର କର୍ମଚାରୀ ସଂଗ୍ରାମ କେଶରୀ ମହାନ୍ତ, ଦୀପକ ସାହୁ, ହିତେଶ ସାହୁ, ରିତେଶ, ହିମାଂଶୁ ସୁନା, ଜିତେନ୍ଦ୍ରିୟ ଗୁପ୍ତା, ନୃପତି କୁମ୍ଭାର, କେଶରୀ ଶ୍ରୀଦାର ପ୍ରମୁଖ ରକ୍ତଦାନ ଶିବିରରେ ସହଯୋଗ କରିଥିଲେ । ସଭାପତି ଡୋଲାମଣି ତାଣ୍ଡି ଆଗକୁ ଏକ ମେଗା ରକ୍ତଦାନ ଶିବିର ହେବ ବୋଲି ସର୍ବ ସମ୍ମୁଖରେ ଘୋଷଣା କରିଛନ୍ତି । ଯୁବକ ମାନଙ୍କର ଏହି ରକ୍ତଦାନ ଶିବିର ଆୟୋଜନ ପାଇଁ ସମସ୍ତେ ଭୂୟସୀ ପ୍ରଶଂସା କରିଛନ୍ତି ।