ନୂଆଦିଲ୍ଲୀ : କୃଷି ଆଇନକୁ ବିରୋଧ କରି ଦେଶର କୃଷକମାନେ ଦଶ ଦିନ ଧରି ରାଜରାସ୍ତାକୁ ଓହ୍ଲାଇଛନ୍ତି । କୃଷକମାନେ ଦିଲ୍ଲୀ ସୀମାରେ କ୍ୟାମ୍ପ କରିଛନ୍ତି । କୃଷକଙ୍କ ବିରୋଧର ଅବରୋଧକୁ ଶେଷ କରିବା ପାଇଁ ଏପର୍ୟ୍ୟନ୍ତ ପାଞ୍ଚ ରାଉଣ୍ଡ ଆଲୋଚନା ହୋଇଛି । ଶନିବାର ଦିନ ପାଞ୍ଚ ଘଣ୍ଟିଆ ଆଲୋଚନାରେ କୃଷକ ଏବଂ ସରକାର କୌଣସି ଠୋସ୍ ଫଳାଫଳ ପାଇ ପାରିନଥିଲେ । ଏହାପରେ ଡିସେମ୍ବର ୯ରେ ଉଭୟ ପକ୍ଷ ପୁଣି ଥରେ ମୁହାଁମୁହିଁ ହେବେ ।
ଶନିବାର ଦିନ ଚାଷୀଙ୍କ ସହ ବୈଠକ ପୂର୍ବରୁ ହିିଁ ବୈଠକ ଆରମ୍ଭ ହୋଇଥିଲା । ସକାଳେ ଗୃହମନ୍ତ୍ରୀ ଅମିତ ଶାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାକୁ ଆସିଥିଲେ । କୃଷକ ସଂଗଠନ ସହ ପଞ୍ଚମ ପର୍ୟ୍ୟାୟ ଆଲୋଚନା ପୂର୍ବରୁ ଆଉ ବୈଠକ ହୋଇଥିଲା, ଯେଉଁଥିରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ଉପସ୍ଥିତ ଥିଲେ । କେନ୍ଦ୍ର ମନ୍ତ୍ରୀ ପୀୟୁଷ ଗୋୟଲ ମଧ୍ୟ ଏହି ବୈଠକରେ ଯୋଗଦେବାକୁ ଆସିଥିଲେ । ଏହା ପରେ ପ୍ରଧାନମନ୍ତ୍ରୀ ମୋଦୀ ଏବଂ ଅମିତ ଶାହା ପୁଣିଥରେ ସାକ୍ଷାତ କରିଥିଲେ ।
ଏହା ପରେ ଦୁଇ ଘଣ୍ଟା ମଧ୍ୟରେ ସରକାର ଏବଂ କୃଷକଙ୍କ ମଧ୍ୟରେ ଆଲୋଚନା ଆରମ୍ଭ ହୋଇଥିଲା । ଏହି ବୈଠକରେ ସରକାରଙ୍କ ତରଫରୁ କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର ଏବଂ ବାଣିଜ୍ୟ ମନ୍ତ୍ରୀ ପୀୟୁଷ ଗୋୟଲ ଉପସ୍ଥିତ ଥିଲେ। ଏଥିସହିତ ଚାଷୀଙ୍କ ତରଫରୁ ୪୦ ଜଣ ପ୍ରତିନିôଧ ସାମିଲ ହୋଇଥିଲେ । ବୈଠକ ଆରମ୍ଭ ହେବା ପୂର୍ବରୁ ମଧ୍ୟ କୃଷକମାନେ ସେମାନଙ୍କ ମନୋଭାବ ପ୍ରଦର୍ଶନ କରିଥିଲେ ।
କୃଷକମାନଙ୍କ ପକ୍ଷରୁ କୁହାଯାଇଥିଲା ଯେ, ସରକାର ବାରମ୍ବାର ତାରିଖ ଦେଉଛନ୍ତି, ସମସ୍ତ ସଂଗଠନ ସର୍ବସମ୍ମତି କ୍ରମେ ନିଷ୍ପତ୍ତି ନେଇଛନ୍ତି ଯେ ଆଜି ବୁଝାମଣାର ଶେଷ ଦିନ । କିସାନ ୟୁନାଇଟେଡ ଫ୍ରଣ୍ଟ ମୁଖ୍ୟ ରାମପାଲ ସିଂ କହିଛନ୍ତି ଯେ, ସେମାନେ ଏକ ଯୁଦ୍ଧ ମାଧ୍ୟମରେ ଆସିବେ, ପ୍ରତିଦିନ ବୈଠକ ହେବ ନାହିଁ । ବୈଠକରେ ଆଉ କିଛି ଲାଭ ନାହିଁ, ବୈଠକ କେବଳ ଆଇନ ରଦ୍ଦ ପାଇଁ ହେବ ।
କୃଷକଙ୍କ ଏହି ସମାନ ମନୋଭାବ ବୈଠକରେ ମଧ୍ୟ ସାମ୍ନାକୁ ଆସିଥିଲା । ଆଲୋଚନା ସମୟରେ କୃଷକ ନେତାମାନେ ସରକାରଙ୍କ ଉପରେ ଅତ୍ୟଧିକ ରାଗିଥିଲେ । କୃଷକ ନେତାମାନେ କହିଛନ୍ତି ଯେ, ଆମର ଦାବୀ ଉପରେ ସରକାର ନିଷ୍ପତ୍ତି ନେବା ଉଚିତ, ନଚେତ୍ ଆମେ ବୈଠକରୁ ଯାଉଛୁ । କୃଷକ ନେତାମାନେ ସରକାରଙ୍କୁ କହିଛନ୍ତି ଯେ, ସରକାର ଆମର ଦାବୀ ପୂରଣ କରିବ କି ନାହିଁ ତାହା କହିବା ଉଚିତ୍ । କୃଷକମାନେ ସରକାରଙ୍କୁ ହଁ କିମ୍ବା ନା ମାଧ୍ୟମରେ ଉତ୍ତର ଦେବାକୁ କହିଥିଲେ । ସେମାନେ ପ୍ଲା କାର୍ଡ ସହିତ ପହଞ୍ଚିଥିଲେ, ଯାହା ହଁ କିମ୍ବା ନା ଲେଖା ଯାଇଥିଲା ।