ପଦ୍ମପୁର, (ନିରୋଜ କୁମାର ପାଣୀ) : ଭୋଟର ତାଲିକା ସ୍ବତନ୍ତ୍ର ସଂକ୍ଷିପ୍ତ ସଂଶୋଧନ ପ୍ରକ୍ରିୟା ଚାଲୁ ରହିଅଛି । ଏହି ଅବସରରେ ଆଜି ସ୍ବତନ୍ତ୍ର ପ୍ରଚାର ଦିବସରେ ଇଆରଓ ତଥା ପଦ୍ମପୁର ଉପଜିଲ୍ଲାପାଳ ତନ୍ମୟ କୁମାର ଦରୱାନ ପଦ୍ମପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଝାରବନ୍ଦ, ପାଇକମାଲ, ରାଜ ବୋଡାସମ୍ବର ବ୍ଲକ ଅଞ୍ଚଳର ବିଭିନ୍ନ ବୁଥ୍ ପରିଦର୍ଶନ କରିଛନ୍ତି । ବୁଥ ପରିଦର୍ଶନ ସମୟରେ ନିଯୁକ୍ତିପ୍ରାପ୍ତ ବିଏଲଓ ମାନଙ୍କ ଠାରୁ ନାଁ ପଞ୍ଜିକରଣ, ସଂଶୋଧନ, ସ୍ଥାନାନ୍ତରଣ ସଂପର୍କିତ ବିଭିନ୍ନ ଫର୍ମ ଗ୍ରହଣ ଉପରେ ପଚାରି ବୁଝିଥିଲେ । ଉପଜିଲ୍ଲାପାଳଙ୍କ ଏହି ଗସ୍ତ ସମୟରେ ଉପଖଣ୍ତ ସୂଚନା ଓ ଲୋକସମ୍ପର୍କ ଅଧିକାରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀ ଉପସ୍ଥିତ ଥିଲେ ।
