ବଲାଙ୍ଗିର, (କେପିଏନ୍ଏସ୍) : ଆଜି ବଲାଙ୍ଗିର ଜିଲ୍ଲା ଅନ୍ତର୍ଗତ ଟିକ୍ରାପଡା ବିଭାଗର ଖରସେଲବାଞ୍ଜି ଗ୍ରାମରେ ବନ ବିଭାଗ ପକ୍ଷରୁ ଚଢାଉ କରାଯାଇଥିଲା । ଚଢାଉରେ ପାଟଣାଗଡ ବନ ବିଭାଗ କର୍ମଚାରୀମାନେ ସାମିଲ ଥିବା ବେଳେ ୭ ଟି ଶାଗୁଆନ ସାଇଜ୍, ୩ ଟି ଶାଗୁଆନ ଗଣ୍ଡି ଏବଂ କାଠ ତିଆରି ଉପକରଣ ଜବତ କରିବା ସହ ଘଟଣାରେ ସଂପୃକ୍ତ ଦୁଇଜଣ ଅଭିଯୁକ୍ତଙ୍କୁ ଗିରଫ କରିଥିଲେ । ଗିରଫ ଅଭିଯୁକ୍ତମାନେ ହେଲେ ଏକା ପାରାଭୁଏ ଓ ପୀତ ପାରାଭୁଏ । ଜବତ ସାମଗ୍ରୀକୁ ରେଞ୍ଜ ଅଫିସ୍ କ୍ୟାମ୍ପସକୁ ଅଣାଯାଇଥିବା ବେଳେ ଘଟଣାକୁ ନେଇ ଅଧିକ ତଦନ୍ତ ଜାରି ରହିଥିବା ବନ ବିଭାଗ ପକ୍ଷରୁ କୁହାଯାଇଛି ।