ବଲାଙ୍ଗିର, (କେପିଏନ୍ଏସ୍) : ଆଜି ପୂର୍ବାହ୍ନ ପ୍ରାୟ ୧୧ଟା ୨୦ମି. ସମୟରେ ବଲାଙ୍ଗିର ସିଭିଲ୍କୋର୍ଟ ସାମ୍ନାରେ ଏକ ଅଘଟଣ ଦେଖିବାକୁ ମିଳିଛି । ଏଥିରେ ସ୍କୁଟି ଚଳାଉଥିବା ମା’ ଜଣକ ଆହତ ହୋଇଥିବା ବେଳେ ପୁଅ ଗୁରୁତର ଥିବା ଯୋଗୁଁ ଉପସ୍ଥିତ ଥିବା ଲୋକେ ତାକୁ ତୁରନ୍ତ ଭୀମଭୋଇ ମେଡ଼ିକାଲ୍ କଲେଜ୍ ଓ ହସ୍ପିଟାଲ୍କୁ ପଠାଇଥିବା ଜଣାପଡ଼ିଛି । ପାଟଣାଗଡ଼ ପଟୁ ଆସୁଥିବା ଏକ କାର୍ ପଛପଟୁ ସ୍କୁଟିକୁ ପିଟି ପ୍ରାୟ ୫୦ ମିଟର୍ ଯାଏଁ ଘୋଷାଡ଼ି ନେଇଥିବା ଦେଖିବାକୁ ମିଳିଛି । ଓଡ଼ି୦୩ଭି୫୦୩୮ ନମ୍ବର ବିଶିଷ୍ଟ କାର୍ ପାଟଣାଗଡ଼ ପଟୁ କ୍ଷୀପ୍ର ବେଗରେ ଆସୁଥିବା ବେଳେ ସାମ୍ନାରେ ବାଆଁ ପଟେ ଯାଉଥିବା ସ୍କୁଟି ନଂ.ଓଆର୍୦୩ଜି୨୦୦୫କୁ ପଛପଟୁ ଧକ୍କା ଦେଇଥିଲା । ତେବେ ଦୁର୍ଘଟଣାରେ ଆହତମାନେ ବଲାଙ୍ଗିର କନ୍ଧପାଲିପଡ଼ାର ବୋଲି ଜଣାପଡ଼ିଛି । ତେବେ ଦୁର୍ଘଟଣା ଘଟଣାଇଥିବା କାର୍ ଏବେ ଘଟଣାସ୍ଥଳରେ ରହିଥିବା ବେଳେ ବଲାଙ୍ଗିର ଟାଉନ୍ ପୁଲିସ୍ ପହଂଚି ତଦନ୍ତ କରୁଥିବା ଜଣାପଡ଼ିଛି ।