- ସାଧାରଣ ଜୀବନ ଯାତ୍ରା ବିପର୍ଯ୍ୟସ୍ତ
ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : କୁକୁରଙ୍କ ପାଇଁ ଘଟିଛି ଏକ ଦୁର୍ଘଟଣା । ଅଳ୍ପକେ ବର୍ତ୍ତିଗଲା ୩ ଜୀବନ । କୁକୁରଙ୍କ ପାଇଁ ଘଟିଥିବା ଏହି ଦୁର୍ଘଟଣାର ଦୃଶ୍ୟ ହେଉଛି, ବ୍ରହ୍ମପୁର ମହାନଗରର ଗାନ୍ଧୀନଗର ୭ମ ଲେନର । ସୋମବାର ଦିନ ସକାଳୁ ସକାଳୁ ଏକ ଚଳନ୍ତା ସ୍କୁଟିକୁ କୁକୁରମାନେ ଗୋଡାଉଥିବା ବେଳେ ଏଭଳି ଏକ ଦୁର୍ଘଟଣା ଘଟିଥିବା ନେଇ ଏହି ଦୃଶ୍ୟରେ ସ୍ପଷ୍ଟ ଭାବରେ ଜଣାପଡୁଛି ।
ବ୍ରହ୍ମପୁର ମହାନଗରରେ ବୁଲା କୁକୁରଙ୍କ ଦୌରାତ୍ମ୍ୟ ଦିନକୁ ଦିନ ପ୍ରବଳ ମାତ୍ରାରେ ବୃଦ୍ଧି ପାଉଛି । ସକାଳେ ଏବଂ ବିଳମ୍ବିତ ରାତ୍ରି ସମୟରେ ଜନ ଗହଳି କମ ଥିବା ବେଳେ ପ୍ରତିଟି କାର, ବାଇକ ଓ ସ୍କୁଟିକୁ ଦେଖିଲେ କୁକୁରମାନେ ଭୁକି ଭୁକି ଗୋଡ଼ାଉଛନ୍ତି । ସାଧାରଣ ଲୋକେ, ସ୍କୁଲ ଛାତ୍ରଛାତ୍ରୀ ତଥା ଛୋଟ ପିଲାମାନେ କୁକୁରଙ୍କ ଆକ୍ରମଣର ଶିକାର ହେଉଛନ୍ତି । କୁକୁରମାନେ ଦଳଗତ ଭାବେ ଭୁକି ଭୁକି ଗୋଡ଼ାଇବା ବେଳେ ଭୟରେ ସେମାନେ ଏଣେ ତେଣେ ଦୌଡ଼ିଥାନ୍ତି ଫଳରେ ସେମାନେ ଏଭଳି ଭାବେ ଦୁର୍ଘଟଣାର ଶିକାର ହେଉଛନ୍ତି । ତେବେ ବ୍ରହ୍ମପୁର ମହାନଗର ନିଗମ ଏହାର ପ୍ରତିକାର ବ୍ୟବସ୍ଥା କରିବାକୁ ସର୍ବସାଧାରଣରେ ଦୃଢ଼ ଦାବୀ ହେଉଛି ।