ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରର ଦୁର୍ଗା ମନ୍ଦିର ନିକଟରେ ନୂତନ ଭାବେ ବସ୍ ଷ୍ଟପ୍ ନିର୍ମାଣ ହେଉଥିବା ନେଇ ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ଟୁଇଟ କରି ସୂଚନା ଦେଇଛନ୍ତି । ସୂଚନାଯୋଗ୍ୟ ଯେ, ବଲାଙ୍ଗିର ଜିଲ୍ଲାରେ ସିଟି ବସ୍ ଚଳାଚଳ ନେଇ ପ୍ରସ୍ତୁତି ଆରମ୍ଭ ହୋଇଯାଇଛି । ଏହି ପରିପ୍ରେକ୍ଷୀରେ ସହରର ବିଭିନ୍ନ ସ୍ଥାନ ମାନଙ୍କରେ ନୂତନ ବସ୍ ଷ୍ଟପ୍ ନିର୍ମାଣ ହେଉଛି । ତେବେ ସ୍ଥାନୀୟ ଦୁର୍ଗା ମନ୍ଦିର ନକଟରେ ଏହି ବସ୍ ଷ୍ଟପ୍ ନିର୍ମାଣ ହେଉଥିବା ନେଇ ବଲାଙ୍ଗିର ଜିଲ୍ଲାପାଳ ଶ୍ରୀ ରାଣା ସୂଚନା ଦେଇଛନ୍ତି ।