ଦେଓଗାଁ, (ମନୀଷ କୁମାର ସାହୁ) : ବଲାଙ୍ଗିର ଜିଲ୍ଲା ଟିଟିଲାଗଡ଼ କେନ୍ଦୁପତ୍ର ଡିଭିଜନରେ ଥିବା ବିଭିନ୍ନ କେନ୍ଦୁପତ୍ର ରେଞ୍ଜ ଫରେଷ୍ଟର ଉତ୍ତମ ପଦର୍ଶନ କରିଥିବାରୁ ବିଶ୍ୱ ବନ ଦିବସ ଅବସରରେ ରାଜ୍ୟ ସରକାରଙ୍କ ଠାରୁ ପୁରସ୍କୃତ ହୋଇଥିବା ଜଣାପଡିଛି । ଏହି ତାଲିକାରେ ୨ ଜଣ କେନ୍ଦୁପତ୍ର ଫରେଷ୍ଟରଙ୍କ ସହ ଜଣେ ଫରେଷ୍ଟ ଗାର୍ଡ ରହିଛନ୍ତି । ଭୁବନେଶ୍ୱରରେ ଅନୁଷ୍ଠିତ ବିଶ୍ୱ ବନ ଦିବସରେ ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀଙ୍କଠାରୁ ତୁଷୁରା କେନ୍ଦୁପତ୍ର ଫରେଷ୍ଟର ସୂର୍ୟ୍ୟକାନ୍ତ ନାୟକ, ଟିକ୍ରାପଡ଼ା କେନ୍ଦୁପତ୍ର ଫରେଷ୍ଟର ଅବିନାଶ ତରିଆ, ଦେଓଗାଁ କେନ୍ଦୁପତ୍ର ଫଡ଼ିର ଫରେଷ୍ଟ ଗାର୍ଡ ରାକେଶ ସାହୁ ମାନପତ୍ର ସହ ପୁରସ୍କାର ଗ୍ରହଣ କରିଛନ୍ତି । ଏନେଇ ବଲାଙ୍ଗିର ଜିଲ୍ଲା କେନ୍ଦୁପତ୍ର ବିଭାଗ କର୍ମଚାରୀ ମହଲରେ ଉତ୍ସାହ ଦେଖାଦେଇଛି ।