ବଲାଙ୍ଗର, (କେପିଏନ୍ଏସ୍) : ୭୪ତମ ଗଣତନ୍ତ୍ର ଦିବସ ଅବସରରେ ୧୮୯ ବାଟାଲିୟନ ସିଆର୍ପିଏଫ୍ ପକ୍ଷରୁ ଅନେକ କାର୍ଯ୍ୟକ୍ରମର ଆୟୋଜନ କରାଯାଇଛି । ଅଧିକାରୀ ତଥା ଯବାନଙ୍କ ଉପସ୍ଥିତିରେ ୟୁନିଟ୍ କ୍ୱାର୍ଟର ଗାର୍ଡରେ କମାଣ୍ଡାଣ୍ଟ ପୱନ କୁମାର ତିୱାରୀ ଜାତୀୟ ପତାକା ଉତ୍ତୋଳନ କରିଥିଲେ । ପରେ ପରମ୍ପରାକୁ ବଞ୍ଚାଇ ରଖିବା ପାଇଁ ଏକ ହୋମ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା । ସନ୍ଧ୍ୟାରେ ଏକ ବନ୍ଧୁତ୍ୱପୂର୍ଣ୍ଣ ଭଲିବଲ୍ ମ୍ୟାଚ୍ ମଧ୍ୟ ଆୟୋଜିତ ହୋଇଥିଲା । ପୱନ କୁମାର ତିୱାରୀ, କମାଣ୍ଡାଣ୍ଟ ଖେଳାଳିଙ୍କ ପ୍ରଦର୍ଶନକୁ ପ୍ରଶଂସା କରିଥିଲେ ଏବଂ ଉଭୟ ବିଜେତା ତଥା ରନର୍ ଅପ୍ ଦଳକୁ ପୁରସ୍କାର ବିତରଣ କରିଥିଲେ । ଦିନ ଶେଷରେ ଭୋଜିର ଆୟୋଜନ କରାଯାଇଥିଲା ।
