ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ବ୍ଲକ ବରିହାପାଲି ଗ୍ରାମର ପଙ୍କେଲପଡ଼ାଠାରେ ମହର୍ଷି ଦୟାନନ୍ଦ କ୍ଲବ୍ର ୭୭ତମ ବାର୍ଷିକ ଯଜ୍ଞ ଓ ସତସଙ୍ଗ ଅନୁଷ୍ଠିତ ହୋଇଯାଇଛି । ୨୨ ତାରିଖ ରବିବାର ଦିନ ଯଜ୍ଞ ଆରମ୍ଭ ହୋଇଥିବା ବେଳେ ୨୪ ତାରିଖ ଦିନ ପୂର୍ଣ୍ଣାହୂତି ପଡ଼ିଥିଲା । ଏହି କାର୍ଯ୍ୟକ୍ରମ ଗୁରୁକୁଳ ନବପ୍ରଭାତ ଆଶ୍ରମର ଆଚାର୍ଯ୍ୟ ଓ ଅନ୍ତେବାସୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଛି । ଉକ୍ତ ଅବସରରେ ଡ଼ା. ସୁଦର୍ଶନ ଦେବ (ଆଚାର୍ଯ୍ୟ ହରିପୁର), ପଣ୍ଡିତ କୃଷ୍ଣଦେବ ଶାସ୍ତ୍ରୀ, ନୈଷ୍ଠିକ ଗଣନାଥ ଅଗ୍ନିହୋତ୍ରୀ, ଦୁର୍ଯ୍ୟୋଧନ ବାନପ୍ରସ୍ତି, ସୁନୀଲ କୁମାର ଶାସ୍ତ୍ରୀ, ଭଉଣୀ ଆରତୀ ଆର୍ଯ୍ୟା ଉପସ୍ଥିତ ରହି ସତସଙ୍ଗ ଓ ପ୍ରବଚନ ଦେବା ସହିତ ମାର୍ଗଦର୍ଶନ ଦେଇଥିଲେ । ପ୍ରତ୍ୟହ ଅନ୍ନଭୋଗର ବ୍ୟବସ୍ଥା କରାଯାଇଥିଲା । ଏହି କାର୍ଯ୍ୟକ୍ରମକୁ ପଙ୍କେଲପଡ଼ାବାସୀ ପୂର୍ଣ୍ଣରୂପେ ସହଯୋଗ କରିଥିଲେ ।
