ବଲାଙ୍ଗିର, (କେପିଏନ୍ଏସ୍) : ଶ୍ରୀଚନ୍ଦନ ସାହିତ୍ୟ ସଂସ୍କୃତି ଏକାଡେମୀ, କଟକ ଆନୁକୂଲ୍ୟରେ ଅନୁଷ୍ଠିତ ୪୬ତମ ରାଜ୍ୟସ୍ତରୀୟ ସାରସ୍ୱତ ସମାରୋହରେ ଯୋଗ ଦେଇ ବଲାଙ୍ଗିର ଜିଲ୍ଲା ସରଗାଡ ଗ୍ରାମର କବୟିତ୍ରୀ ସୁଶ୍ରୀ ସୁଜାତା ନାଏକ ‘ରାଜ୍ୟସ୍ତରୀୟ କବିତା ସମ୍ମାନ’୨୦୨୩ରେ ସମ୍ମାନିତ ହୋଇ ଅଞ୍ଚଳ ପାଇଁ ଗୌରବ ଆଣିଛନ୍ତି । କବୟିତ୍ରୀ ସୁଜାତା ନାଏକ ତାଙ୍କର ଏହି ସଫଳତାର ଶ୍ରେୟ ପାଠକ ଓ ଶୁଭେଚ୍ଛୁମାନଙ୍କୁ ଦେଇଛନ୍ତି । ଏହି ଖବର ପାଇ ଅଞ୍ଚଳରେ ଖୁସିର ଲହରୀ ଖେଳି ଯାଇଛି । ନିଜ ଗାଁରେ ପହଞ୍ଚିବା ପରେ ଅନେକ ଭଦ୍ର ବ୍ୟକ୍ତି ତାଙ୍କୁ ସାକ୍ଷାତ କରି ଆର୍ଶୀବାଦ ପ୍ରଦାନ କରିଛନ୍ତି ।