ୱାଶିଂଟନ : ଆମେରିକାର ଲସ୍ ଆଞ୍ଜେଲସ୍ରେ ଆଖିବୁଜା ଗୁଳି ବିନିମୟ ହୋଇଛି । ଏହି ଗୁଳି ବିନିମୟରେ ୯ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଲସ୍ ଆଞ୍ଜେଲ୍ସର ପୂର୍ବ ମୋଣ୍ଟେରୀ ପାର୍କରେ ଚାଇନାର ନୂଆବର୍ଷ ପାଳନ ପରେ ଏହି ଗୁଳି ବିନିମୟ ହୋଇଥିବା ପୋଲିସ କହିଛି । ଏଥିରେ ୯ ଜଣଙ୍କର ମୃତ୍ୟୁ ଘଟିଛି । ଲସ୍ ଆଞ୍ଜେଲସ୍ଠାରୁ ୧୬ କିଲୋମିଟର ଦୂରରେ ଏହା ଘଟିଛି । ଜଣେ ବ୍ୟକ୍ତି ଗୁଳି ମାରିଛନ୍ତି । ଗୁଳି ବିନିମୟ ସ୍ଥଳ ନିକଟରେ ଥିବା ଏକ ରେଷ୍ଟୁରାଣ୍ଟର ମାଲିକ ସେଙ୍ଗ ୱନ୍ ଚୋଇ କହିଛନ୍ତି, ତିନିଜଣ ବ୍ୟକ୍ତି ତାଙ୍କ ରେଷ୍ଟୁରାଣ୍ଟରେ ପ୍ରବେଶ କରି ତାଙ୍କୁ କବାଟ ବନ୍ଦ କରିବାକୁ କହିଥିଲେ । ଏହି ସମୟରେ ଲୋକମାନେ ସେଙ୍ଗ ଓ୍ବନ ଚୋଇଙ୍କୁ କହିଥିଲେ ଯେ, ମେଶିନ ବନ୍ଧୁକ ଧରି ଜଣେ ସୁଟର ଅନେକ ରାଉଣ୍ଡ ଗୁଳି ଚଳାଇଥିଲେ । ରିପୋର୍ଟ ଅନୁଯାୟୀ, ସ୍ଥାନୀୟ ସମୟ ରାତି ୧୦ଟାରେ ଏହି ଗୁଳି ବିନିମୟ ହୋଇଥିଲା । ଏଥିରେ ଅନେକ ଆହତ ହୋଇଛନ୍ତି । ସମସ୍ତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି ।