ପଦ୍ମପୁର, (ନିରୋଜ କୁମାର ପାଣୀ): ଛୁଆଙ୍କ ଭବିଷ୍ୟତର ମୁଳଦୂଆ ଦିଆଯାଇଥାଏ ବିଦ୍ୟାଳୟରେ । ଏହି ପରିପ୍ରେକ୍ଷୀରେ ଆଜିକାଲି ବିଦ୍ୟାଳୟ ମାନଙ୍କରେ ବିଭିନ୍ନ କାର୍ଯ୍ୟକ୍ରମମାନ ହାତକୁ ନିଆଯାଉଛି ଛୁଆଙ୍କ ଆନ୍ତରିକ ବିକାଶ ପାଇଁ । ସେହି ପରିପ୍ରେକ୍ଷୀରେ ବିଗତ ଦୁଇ ବର୍ଷ ହେଲା ବିଦ୍ୟାଳୟ ମାନଙ୍କରେ ବାର୍ଷିକ ଉତ୍ସବ ବନ୍ଦ ଥିବା ବେଳେ ଆଜି ପଦ୍ମପୁର ୱାନର ବ୍ରାଇଟ ଫ୍ୟୁଚର ସ୍କୁଲ ତରଫରୁ ବାର୍ଷିକ ଉତ୍ସବ ପାଳନର ସଭା ଉଦ୍ଘାଟିତ ହୋଇଯାଇଛି । ପ୍ରଥମ ଦିନ ମୁଖ୍ୟ ଅତିଥି ଭାବରେ ଡ. ରଜତ ସାହୁ, ଅବସରପ୍ରାପ୍ତ ଅଧ୍ୟାପିକା ଉମା ପ୍ରଧାନ ଓ ଶ୍ରୀମତୀ ମିଶ୍ର ଯୋଗଦେଇ ବିଘ୍ନ ବିନାଶକ ଗଣେଶଙ୍କ ପ୍ରତିମୂର୍ତ୍ତିରେ ଦୀପ ପ୍ରଜ୍ୱଳନ ପୂର୍ବକ ଉତ୍ସବର ଉଦ୍ଘାଟନ କରିଥିଲେ । ଏହା ସହ ପିଲାଙ୍କ ଭବିଷ୍ୟତକୁ ବିକଶିତ କରିବା ପାଇଁ ଏପରି କାର୍ଯ୍ୟକ୍ରମରେ ଆନ୍ତରିକ ଇଚ୍ଛା ଶକ୍ତିର ବିକାଶ କରିବ ବୋଲି କହିଥିଲେ । ଏହା ସହ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ବିଭିନ୍ନ ପ୍ରତିଯୋଗିତାରେ କୃତି ଅର୍ଜନ କରିଥିବାରୁ ପୁରସ୍କୃତ କରାଯିବା ସହ ସାଂସ୍କୃତିକ କାର୍ଯ୍ୟକ୍ରମମାନଙ୍କର ପରିବେଷଣ ମଧ୍ୟ କରାଯାଇଥିଲା ।
