ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁରସ୍ଥ ଜେଲ୍ ରୋଡ଼ଠାରେ ସନ ରାଇଜ ସ୍ପୋର୍ଟସ କ୍ଲବ ଛତ୍ରପୁର ଆନୁକୂଲ୍ୟରେ ଶନିବାର ଏକ ଖେଳକୁଦ ସମାରୋହ ଅନୁଷ୍ଠିତ ହୋଇଯାଇଛି । ଏଥିରେ ଅଂଶଗ୍ରହଣ କରିଥିବା ଖେଳାଳିମାନଙ୍କ ମଧ୍ୟରେ ଜୁନିୟର ଦୌଡ଼ ପ୍ରତିଯୋଗିତାରେ ଛାତ୍ରଦଳରେ କୃଷ୍ଣସ୍ୱାଇଁ ଓ ଛାତ୍ରୀ ଦଳରେ ସାଇଶ୍ରୀ ବେହେରା ଚାମ୍ପିୟନ ହୋଇଛନ୍ତି । ସେହିପରି ୮ ଶହ ମିଟର ଦୌଡ଼ ପ୍ରତିଯୋଗିତାରେ ପ୍ରବୀଣ କୁମାର ଚୌଧୁରୀ ପ୍ରଥମ ସ୍ଥାନ ଅଧିକାର କରିଥିବା ବେଳେ ଜ୍ଞାନେନ୍ଦ୍ରକୁମାର ବିଷୋୟୀ ଦ୍ୱିତୀୟ ସ୍ଥାନ ଅଧିକାର କରିଛନ୍ତି । କେ.ସୁନୀଲ କୁମାର ରାଓ, ସୁଶାନ୍ତ କୁମାର ଦାସ, ପ୍ରୀତମ କୁମାର ବେହେରା, ପି.ଅରୁଣା ରେଡ୍ଡୀ ପ୍ରମୁଖ ଏହି କ୍ରୀଡା ସଂଗଠନକୁ ପରିଚାଳନା କରିଥିଲେ ।