କଂଟାବାଂଜି,(ମନୀଶ କୁମାର ହଂସ) : କଂଟାବାଂଜି ସବ୍ ଜେଲ ଅନ୍ତେବାସୀମାନଙ୍କୁ ଶନିବାର ଦିନ ବିଧାୟକ ସନ୍ତୋଷ ସିଂ ସାଲୁଜା ଦୀପାବଳି ପର୍ବ ଅବସରରେ ଜେଲରେ ସାକ୍ଷାତ କରି ସମସ୍ତଙ୍କୁ ମିଷ୍ଟାନ୍ନ, ସାନିଟାଇଜର ଓ ମାସ୍କ ବଂଟନ କରିଛନ୍ତି । ଏହି ଅବସରରେ ଜେଲରେ ଥିବା ୬୦ ଜଣ ଅନ୍ତେବାସୀଙ୍କୁ ସାକ୍ଷାତ କରି ଦୀପାବଳି ଶୁଭେଛା ଜଣାଇଛନ୍ତି ।
ଜେଲରେ ଥିବା ଅନ୍ତେବାସୀମାନଙ୍କ ବିଭିନ୍ନ ସମସ୍ୟା ବୁଝିବା ସହ ଯଥା ଶୀଘ୍ର ଜେଲରେ ପାଣି ସମସ୍ୟାର ସମାଧାନ କରିବା ପାଇଁ ପ୍ରତିଶୃତି ଦେଇଛନ୍ତି । ଏପରିକି ତାଙ୍କ ବ୍ୟକ୍ତିଗତ ଆର୍ଥିକ ସହାୟତାରେ ଅନ୍ତେବାସୀମାନଙ୍କ ପିଇବା ପାଣି ପାଇଁ ଏକ ଫିଲଟର ଆକୁଆଗାର୍ଡ ତତ୍କ୍ଷଣାତ ଦେବା ପାଇଁ କହିଛନ୍ତି ।
ଏହି ଅବସରରେ ସବ୍ ଜେଲର ଅଧିକ୍ଷକ ଶ୍ରୀମତୀ ବିକାଶଲତା ବରୁଆଙ୍କ ଉପସ୍ଥିତିରେ ଅନ୍ତେବାସୀମାନଙ୍କୁ ମିଷ୍ଠାନ୍ନ ବଂଟନ କରିବା ସହ ଆଗାମୀ ଦିନରେ ସୁନାଗରିକ ହେବା ପାଇଁ ବିଧାୟକ ସାଲୁଜା ପରାମର୍ଶ ଦେଇଛନ୍ତି ।