ତୁରେକେଲା, (କୈଳାସ ସଗ୍ରିଆ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ କମେଇମୁଣ୍ଡା ଗ୍ରାମ ପଞ୍ଚାୟତ ଅନ୍ତର୍ଗତ ପଣ୍ଡରେନ, ଗୁଦୁରାମୁଣ୍ଡା, ବଡବାଙ୍କି ଗ୍ରାମ ପଞ୍ଚାୟତ ଅନ୍ତର୍ଗତ ସାନବାଙ୍କି, ଘୁନେଶ ଗ୍ରାମ ପଞ୍ଚାୟତ ଅନ୍ତର୍ଗତ ଗଡଗଡବାହାଲ ଗାଁ ଜଙ୍ଗଲରେ ବଣୁଆ ହାତୀପଲ ରହିଛନ୍ତି । ଏନେଇ ଗାଁ ଲୋକେ ବନଉପଖଣ୍ଡ ଅଧିକାରୀଙ୍କୁ ଜଣାଇଛନ୍ତି । ଗତ ବର୍ଷ ବଣୁଆ ହାତୀପଲ ବିଭିନ୍ନ ଗାଁ ଗୁଡ଼ିକରେ ପହଞ୍ଚି ଘରଗୁଡିକ ଭାଙ୍ଗି ଚୁର୍ ମାର୍ କରି ଧାନ ସବୁ ନଷ୍ଟ କରିଦେଇଥିବା ଗାଁ ଲୋକେ କହିଛନ୍ତି । ଏଭଳି ହାତୀ ପଲ ପହଞ୍ଚି ବିଭିନ୍ନ ସ୍ଥାନରେ ଉପଦ୍ରବ୍ୟ ନଷ୍ଟ କରିଥିବା ନେଇ ଅନେକ ଚାଷୀ ଅନ୍ଲାଇନ୍ କରିଥିଲେ ସୁଦ୍ଧା ଏଯାଏଁ ତାଙ୍କର କ୍ଷତିପୂରଣ ନ ପାଇଥିବା ତୁରେକେଲା ଗଏତାପଡା ଗାଁ ଲୋକେ ଅଭିଯୋଗ କରିଛନ୍ତି । ଏଥିପ୍ରତି ପ୍ରଶାସନ ଦୃଷ୍ଟି ଦେଇ ସମସ୍ୟାର ସମାଧାନ କରିବା ପାଇଁ ଗାଁ ଲୋକମାନେ ଦାବୀ କରିଛନ୍ତି ।