ପଦ୍ମପୁର, (ନିରୋଜ କୁମାର ପାଣୀ) : ସମ୍ବାଦ ସମ୍ବଲପୁର ସଂସ୍କରଣର କର୍ତବ୍ୟ ପରାୟଣ ତଥା ଶେଷ୍ଠ ସାମ୍ବାଦିକ ଭାବରେ ବିଜେପୁର ବ୍ଲକର ସୁନୀଲ ମିଶ୍ରଙ୍କୁ ସମ୍ବର୍ଦ୍ଧିତ କରାଯାଇଛି । ମଙ୍ଗଲବାର ଦିନ ଭୁବନେଶ୍ୱରଠାରେ ଅନୁଷ୍ଠିତ ସମ୍ବାଦ ଓ କନକ ଟିଭିର ବାର୍ଷିକୋତ୍ସବରେ ଉକ୍ତ ସମ୍ବର୍ଦ୍ଧନା ପ୍ରଦାନ କରାଯାଇଛି । ସମ୍ବାଦ ପରିବାରର ମୁଖ୍ୟ ସୌମ୍ୟରଂଜନ ପଟ୍ଟନାୟକ, ମୁଖ୍ୟ ଅତିଥି ବରିଷ୍ଠ ସାମ୍ବାଦିକ ପୂଣ୍ୟପ୍ରସୂନ ବାଜପେୟୀ ପ୍ରମୁଖ ଶ୍ରୀ ମିଶ୍ରଙ୍କୁ ଶୁଭେଚ୍ଛା ଜଣାଇବା ସହିତ ଆହୁରି କର୍ତବ୍ୟ ପରାୟଣ ଓ ନିଷ୍ଠାବାନ ହେବା ପାଇଁ କାମନା କରିଛନ୍ତି । ତାଙ୍କର ଏହି ସଫଳତା ପାଇଁ ବିଭିନ୍ନ ମହଲରୁ ଶୁଭେଚ୍ଛା ଜ୍ଞାପନ କରାଯାଇଛି ।