ସରକାରୀ ପ୍ରାଥମିକ ବିଦ୍ୟାଳୟ ଭୁତିଆରବାହାଲର ବାର୍ଷିକ ଉତ୍ସବ ଅନୁଷ୍ଠିତ

ବଲାଙ୍ଗିର, (କେପିଏନ୍‌ଏସ୍‌) : ସରକାରୀ ପ୍ରାଥମିକ ବିଦ୍ୟାଳୟ ଭୁତିଆରବାହାଲର ବାର୍ଷିକ ଉତ୍ସବ ରାଜେନ୍ଦ୍ର କୁମାର ଅଗ୍ରୱାଲଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଭାରତୀ ସାହୁ ବିବରଣୀ ପଠନ କରିଥିଲେ । ମୁଖ୍ୟ ଅତିଥି ଭାବେ ବଲାଙ୍ଗିର ବ୍ଲକ ଅଧ୍ୟକ୍ଷା ଶ୍ରୀମତୀ ସରିତା ବାଗ, ମୁଖ୍ୟବକ୍ତା ଭାବେ ଅଭୟ କୁମାର ଚୌଧୁରୀ, ସମ୍ମାନିତ ଅତିଥି ଭାବରେ ସିଆର୍‌ସିସି ଡୋଳାମଣି ଭୋଇ, ଗୋପାଳ ବାଗ, ନୂତନ ସେଠ, ଚିନ୍ତାମଣି ଚୌଧୁରୀ ପ୍ରମୁଖ ମଞ୍ଚାସୀନ ଥିଲେ । ଉକ୍ତ ଉତ୍ସବରେ ଅନୁଷ୍ଠିତ ସାଭାକୁ ଅକ୍ଷୟ କୁମାର ଚୌଧୁରୀ ପରିଚାଳନା କରିଥିଲେ । ଶ୍ରୀମତୀ ବିଷ୍ଣୁପ୍ରିୟା ଗିରି ଓ ଶ୍ରୀମତୀ ସ୍ନିଗ୍ଧା ସାମଲ ସ୍ୱାଗତ ସଙ୍ଗୀତ ଗାନ କରିଥିଲେ । ଉକ୍ତ ସଭାରେ ସ୍କୁଲର ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଶଣ କରାଯାଇଥିଲା । ପରିଶେଷରେ ଶ୍ରୀମତୀ ସୁଶ୍ରୀ ପ୍ରିୟଦର୍ଶିନୀ ମହାପାତ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଉକ୍ତ କାର୍ଯ୍ୟକ୍ରମରେ ତେଜରାଜ ଥନାପତି, ବେଣୁଧର ନାଏକ, ସୋମନାଥ ଭୋଇ, ରମାକାନ୍ତ ମଲ୍ଲିକ, ସତ୍ୟନାରାୟଣ ଭୋଇ, ନୀଳ ପୁଟେଲ, ବୃନ୍ଦାବନ ଭୋଇ, ଉତ୍କଳମଣି ଯୁବକ ସଂଘ, ଯୁବ କ୍ରୀଡ଼ା ଓ କଳା ସଂସଦ, ବାବା ଆମ୍ବେଦକର କ୍ଲବ ଓ ପ୍ରିୟଦର୍ଶନୀ କ୍ଲବର ସମସ୍ତ ସଭ୍ୟ ପ୍ରମୁଖ ସହଯୋଗ କରିଥିଲେ ।