
ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଡେଲାଙ୍ଗ ବ୍ଲକର ବାନାମ୍ବର ଉନ୍ନିତ ଉଚ୍ଚ ବିଦ୍ୟାଳୟ ପରିସରରେ ଶିକ୍ଷକ ପ୍ରଦୀପ କୁମାର ଜେନାଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ପ୍ରାଥମିକ ଶିକ୍ଷକ ସଂଘ ସଭାପତି ଦିଗମ୍ବର ରଥଙ୍କ ଅଧ୍ୟକ୍ଷତାରେ ଆୟୋଜିତ ସମାବେଶରେ ପ୍ରାକ୍ତନ ବ୍ଲକ ଶିକ୍ଷାଧିକାରୀ ଯୁଧିଷ୍ଟିର ପରିଡା,ଏବିଇଓ ସଂଯୁକ୍ତା ମିଶ୍ର, ଜି ଉଦୟଗିରିର ଏବିଇଓ ଛାଟୋଇ ମୋତିଲାଲ୍ ରାୟ, ବରିଷ୍ଠ ଶିକ୍ଷକ ରମେଶଚନ୍ଦ୍ର ପ୍ରଧାନ, ଶିକ୍ଷାବିତ୍ ଭୁବନେଶ୍ୱର ସ୍ୱାଇଁ, ନରସିଂହ ହୋତା, ବିଭୂତିଭୁଷଣ ହୋତା, ପରିଚାଳନା କମିଟି ସଭାପତି ଦିବାକର ମହାପାତ୍ର ,ଶିକ୍ଷକ ସୁରେନ୍ଦ୍ର ସାହୁ, ସମାଜସେବୀ ସାଗର ବଳ ପ୍ରମୁଖ ଯୋଗଦେଇଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସ୍ୱାଗତ ଓ ଅବସର ଶିକ୍ଷକଙ୍କ ଉଦେ୍ଧଶ୍ୟରେ ବିଦାୟୀ ସଂଗୀତ ଗାନ କରାଯାଇଥିଲା । ଅତିଥିମାନଙ୍କ ଦ୍ୱାରା ଜଗନ୍ନାଥଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ କରାଯାଇ ସାଧାରଣସଭା ଆରମ୍ଭ କରାଯାଇଥିଲା । ଏହି ପରିପ୍ରେକ୍ଷିରେ ବିଦ୍ୟାଳୟରେ ଦିର୍ଘ ୧୩ ବର୍ଷଧରୀ ଶିକ୍ଷାଦାନ କରିଥିବା ଶିକ୍ଷକ ଶ୍ରୀ ଜେନାଙ୍କର ଶିକ୍ଷାକ୍ଷେତ୍ରରେ ନିଷ୍ଠାପର ଉଦ୍ୟମ, ଆନ୍ତରିକତା, ଛାତ୍ରବତ୍ସଳତା,ସମୟାନୁବର୍ତ୍ତିତା ଓ ବିଦ୍ୟାଳୟ ପ୍ରତିଥିବା ଅବଦାନକୁ ସମ୍ମାନ ଜଣାଇ ଅବସରକାଳୀନ ଉତ୍ସବରେ ବିଦ୍ୟାଳୟ ପକ୍ଷରୁ ପ୍ରଧାନ ଶିକ୍ଷକ ଗୋପକୃର୍ଷ୍ଣ ତ୍ରିପାଠୀ , ପୁରାତନ ଛାତ୍ର ତଥା ଶିକ୍ଷକ ଅଭୟଚରଣ ସାହୁ ଓ ଫକିର ଚରଣ ଦାସ ଓ ବିଭିନ୍ନ ବିଦ୍ୟାଳୟ ପକ୍ଷରୁ ମାନପତ୍ର ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧନା କରାଯାଇଥିଲା । ସେହିପରି ପୁରାତନ ଛାତ୍ର ଶ୍ରୀ ସାହୁ ପ୍ରଦୀପ ଗୁରୁଜୀଙ୍କ ଶୈଚିକ ଗୌରବ ମଣ୍ଡିତ ମାନପତ୍ର ପାଠ ସହ ଅବେଗପୂର୍ଣ୍ଣ କବିତା ମାଧ୍ୟମରେ ଅବସର ଶିକ୍ଷକଙ୍କ ସୁଗୁଣଗାନ କରିଥିଲେ । ଶିକ୍ଷକ ରମେଶଚନ୍ଦ୍ର ଭଟ୍ଟ, ମଦନ ମୋହନ ପ୍ରଧାନ, ଦେବାଶିଷ୍ ପଣ୍ଡା ,ଶିକ୍ଷୟିତ୍ରୀ ମଞ୍ଜୁଲତା ଦେଇ, ବିଷ୍ଣୁପ୍ରିୟା ପରିଡା, ଅନୁରାଧା ଦାଶ, ଦିଲ୍ଲିପ କୁମାର ନାୟ, ରବିନ୍ଦ୍ର ବେହେରା, ଭଗବାନ ସାହୁ ପ୍ରମୁଖଙ୍କ ସହିତ ପରିଚାଳନା କମିଟି ସଦଶ୍ୟ ଓ ଗ୍ରାମବାସୀମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଅପରାହ୍ନରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତି କାର୍ଯ୍ୟକ୍ରମ ପରିବେଷଣ କରାଯାଇଥିଲା । ସିଆରସିସି ଦୁର୍ଯ୍ୟାଧନ ପ୍ରଧାନ ଓ ଶିକ୍ଷକ ଫକିର ଚରଣ ଦାସ ସଭା ସଂଯୋଜନା କରିଥିବା ବେଳେ ଶିକ୍ଷକ ଚକ୍ରଧର ମହାପାତ୍ର ଧନ୍ୟବାଦ ଅର୍ପଣ କରିଥିଲେ । ଅବସର ଶିକ୍ଷକଙ୍କ ପିଢପାଟଣାସ୍ଥ ସ୍ୱବାସ ଭବନ ପର୍ଯ୍ୟନ୍ତ ପଦଯାତ୍ରାରେ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ , କମିଟି ସଭ୍ୟସଭ୍ୟା ଓ ଛାତ୍ରଛାତ୍ରୀମାନେ ସାମିଲ ହୋଇ ପ୍ରିୟ ଗୁରୁଜୀଙ୍କୁ ଭାବ ବିଭୋଳ ବିଦାୟ ସମ୍ବର୍ଦ୍ଧନା ଦେଇଥିଲେ । ଅପରାହ୍ନରେ ବାର୍ଷିକ ଉତ୍ସବ ଅବସରରେ ଚଳିତ ଶିକ୍ଷାବର୍ଷର ବିଦ୍ୟାଳୟରେ ବିଭିନ୍ନ ପ୍ରତିଯୋଗିତା ଓ ଶୈକ୍ଷିକ ସଫଳତା ହାସଲ କରିଥିବା କୃତିଛାତ୍ରଛାତ୍ରୀମାନଙ୍କୁ ବିଦ୍ୟାଳୟ ପକ୍ଷରୁ ପୁରସ୍କୃତ କରାଯାଇଥିଲା ।