ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର କଦଳୀମୁଣ୍ଡା ଫରେଷ୍ଟ ନର୍ସରୀଠାରେ ଜିଲ୍ଲା ଅଭିଭାବକ ସଂଘର (ଅନ୍ୱେଷା ଯୋଜନା ଓ ଅଧିକାର ଆଇନ ଅଧିନସ୍ଥ) ଏକ ବୈଠକ ଅନୁଷ୍ଠିତ ହୋଇଯାଇଛି । ଶିକ୍ଷା ଉପରେ ଗୁରୁତ୍ୱ ଦେବା ପାଇଁ ଓ ପ୍ରଚାର ପାଇଁ ବାସୁଦେବ ମୁଗ୍ରୀ, ସିତାରାମ କୁମ୍ଭାର, ଜ୍ୟୋତିଷ ମୁଗ୍ରୀ, ସୂର୍ଯ୍ୟମଣି ସୁନା, ମହେନ୍ଦ୍ର କୁମାର ବେନିଆ, ନିଳିମା ଛତ୍ରିଆ, ଶମ୍ଭୁ ନାଗ, ନଳିନ ରଂଜନ ଦୀପ, ଦ୍ରୋଣ କୁମ୍ଭାର, ବଟୁ ନାଗ, ବିନୋଦ ମୁଗ୍ରୀ ଅନ୍ୟାନ୍ୟ ବୁଦ୍ଧିଜୀବୀ ବକ୍ତବ୍ୟ ଦେଇଥିଲେ । ବୈଠକରେ ସର୍ବସମ୍ମତି କ୍ରମେ ଗୋଟିଏ ସ୍ଥାୟୀ କମିଟି ଗଠନ କରାଯାଇଥିଲା । ଉକ୍ତ କମିଟିରେ ସଭାପତି ରୂପେ ସୀତାରାମ କୁମ୍ଭାର, କାର୍ଯ୍ୟକାରୀ ସଭାପତି ଜ୍ୟୋତିଷ ମୁଗ୍ରୀ, ଉପ-ସଭାପତି ମହେନ୍ଦ୍ର ବେନିଆ, ସଂପାଦକ ବିଶ୍ୱାମିତ୍ର କୁମ୍ଭାର, କୋଷାଧ୍ୟକ୍ଷ ନିଳିମା ଛତ୍ରିଆ ଓ ଜୟଶ୍ରୀଙ୍କୁ ମନୋନୀତ କରାଯାଇଥିଲା । ଶେଷରେ ସୂର୍ଯ୍ୟମଣି ସୁନା ଧନ୍ୟବାଦ ଦେଇଥିଲେ ।