ନୂଆଦିଲ୍ଲୀ : ମଙ୍ଗଳବାର ରାତି ପ୍ରାୟ ୨ଟା ସମୟରେ ନେପାଳ, ଚୀନ୍, ଦିଲ୍ଲୀ, ଏନ୍ସିଆର ସମେତ ସମଗ୍ର ଉତ୍ତର ଭାରତରେ ହୋଇଥିବା ଭୂକମ୍ପରେ ସମଗ୍ର ଦେଶ କମ୍ପିତ ହୋଇଥିଲା । ଭୂକମ୍ପ ଯୋଗୁଁ ନେପାଳରେ ପ୍ରବଳ ଧ୍ୱଂସ ହୋଇଥିବା ଆଶଂକା କରାଯାଉଛି । ନେପାଳର ଦୋଟି ଜିଲ୍ଲାରେ ଏକ ଘର ଭୁଷୁଡ଼ିବା କାରଣରୁ ମୃତ୍ୟୁ ସଂଖ୍ୟା ୬କୁ ବୃଦ୍ଧି ପାଇଛି । ଗତକାଲି ରାତି ୮ ଟାରୁ ନେପାଳର ପଶ୍ଚିମରେ ତିନିଟି ଭୂକମ୍ପ ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୩ରେ ମାପ କରାଯାଇଥିଲା । ଏହି ଭୂକମ୍ପର କେନ୍ଦ୍ରସ୍ଥଳ ଥିଲା ନେପାଳର ମଣିପୁର । ନେପାଳର ଭୂକମ୍ପରେ କମ୍ପନ ଭାରତର ଅଧାକୁ ଥରାଇ ଦେଇଥିଲା । ଲୋକେ ଭୟଭୀତ ହୋଇ ଘରୁ ବାହାରକୁ ଆସିଥିଲେ । ଭୂକମ୍ପର କମ୍ପନ ୧ ମିନିଟ୍ ପାଇଁ କ୍ରମାଗତ ଭାବରେ ଆସିବାକୁ ଲାଗିଲା । ଭାରତର ୟୁପି-ଉତ୍ତରାଖଣ୍ଡ, ବିହାର, ହରିୟାଣା ଏବଂ ମଧ୍ୟପ୍ରଦେଶରେ ଭୂକମ୍ପରେ ପ୍ରବଳ କମ୍ପନ ଅନୁଭୂତ ହୋଇଥିଲା । ତେବେ ଭାରତରେ ଜୀବନ କିମ୍ବା ସମ୍ପତ୍ତି ପ୍ରତି କୌଣସି ବିପଦ ଆସିନାହିଁ ।
