ସମଗ୍ର ଦେଶରେ ଚହଟିଲା ହୋଲିର ରଙ୍ଗ, ବୃନ୍ଦାବନର ବଙ୍କେବିହାରୀ ମନ୍ଦିରରେ ଭକ୍ତଙ୍କ ଭିଡ଼ : ପ୍ରଧାନମନ୍ତ୍ରୀ ମୋଦୀଙ୍କ ଦେଶବାସୀଙ୍କୁ ଶୁଭେଚ୍ଛା

ନୂଆଦିଲ୍ଲୀ : ପାରମ୍ପାରିକ ବିଶ୍ୱାସ ଏବଂ ଉତ୍ସାହ ସହିତ ହୋଲିର ପର୍ବ ସାରା ଦେଶରେ ପାଳନ ହେଉଛି । ଏହି ଅବସରରେ ଦେଶର ବିଭିନ୍ନ ସହର, ଗ୍ରାମ ଏବଂ ସହରର ଲୋକମାନେ ପରସ୍ପରକୁ ରଙ୍ଗ ଲଗାଇ ପର୍ବର ଖୁସି ବ୍ୟକ୍ତ କରୁଛନ୍ତି । ଗତ ଦୁଇ ବର୍ଷ ମଧ୍ୟରେ କରୋନା ପରିସ୍ଥିତି ପରେ ଚଳିତ ବର୍ଷ ଦେଶରେ କରୋନା ତରଙ୍ଗ ନାହିଁ ଏବଂ କରୋନା ମାମଲା ମଧ୍ୟ ବହୁତ ହ୍ରାସ ପାଇଛି ଭଳି ସ୍ଥିତିରେ କୋହଳ ପ୍ରତିବନ୍ଧକ ମଧ୍ୟରେ ସାଧାରଣ ଜନତାଙ୍କ ମଧ୍ୟରେ ଉତ୍ସବ ପାଳନ କରିବାର ଉତ୍ସାହ ଦ୍ୱିଗୁଣ ହୋଇଥିବାର ଦେଖାଯାଉଛି । ବାରସାନାରେ ହୋଲିର ମହକ ଦେଖାଯାଉଛି । ବହୁ ଧାର୍ମିକ ସ୍ଥାନ ଏବଂ ସହରରେ ହୋଲି ପାଳନ କରାଯାଉଛି । ବୃନ୍ଦାବନର ବଙ୍କେବିହାରୀ ମନ୍ଦିର, ଉଜୈନର ମହାକାଲ ମନ୍ଦିର ସବୁଠାରେ । ବାଙ୍କେବିହାରୀ ମନ୍ଦିରରେ ହୋଲିର ରଙ୍ଗ ଚହଟି ଯାଉଥିବାେ ଦେଖିବାକୁ ମିଳିଛି । ଆଜି ସକାଳୁ ବହୁ ସଂଖ୍ୟାରେ ଭକ୍ତ ଏକତ୍ରିତ ହୋଇ ରଙ୍ଗର ପର୍ବ ପାଳନ କରୁଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ।