ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ଆଭ୍ୟନ୍ତରୀଣ ଇଲାକା ଡ଼ୁଡ଼ୁକାରଞ୍ଚା ପଞ୍ଚାୟତରୁ ସମିତି ସଭ୍ୟା ଭାବରେ ବିଜୟ ହାସଲ କରିଥିବା ମନ୍ଦାକିନୀ ସିଂହଦେଓ ପରବର୍ତ୍ତୀ ସମୟରେ ମ.ରାମପୁର ପଞ୍ଚାୟତର ସମିତି ସଭ୍ୟ ଭାବେ ନିର୍ବାଚିତ ହୋଇଛନ୍ତି । ତେଣୁ ନିଜେ ନିର୍ବାଚିତ ହୋଇଥିବା ଗ୍ରାମ ପଞ୍ଚାୟତବାସୀଙ୍କୁ ନିଜର କୃତଜ୍ଞତା ସ୍ୱରୂପ ସେ ଆଜି ଡ଼ୁଡ଼ୁକାରଞ୍ଚା ଅଂଚଳରେ ବିଜୟ ଶୋଭାଯାତ୍ରା ସହିତ ଆଗାମୀ ଦିନରେ ବ୍ଲକର ବିକାଶ ନିମନ୍ତେ ସହଯୋଗ କାମନା କରିଥିଲେ । ଏହି ଶୋଭାଯାତ୍ରା ସମୟରେ ଶ୍ରୀମତି ସିଂହଦେଓଙ୍କ ସ୍ୱାମୀ ବିକାଶ ରଞ୍ଜନ ସିଂହଦେଓ, ଡ଼ୁଡ଼ୁକାରଞ୍ଚା ସରପଞ୍ଚ ସୂର୍ଯ୍ୟମଣି ପାତ୍ର ଏବଂ ବାରବନ୍ଧା ସମିତି ସଭ୍ୟା ନମିତା ରାଉତ, ପ୍ରଦୀପ ପାଣିଗ୍ରାହୀ, ସଂଯୁକ୍ତା ପୁରୋହିତ ପ୍ରମୁଖ ସାମିଲ ହୋଇଥିଲେ ।