ପଦ୍ମପୁର, (ନିରୋଜ କୁମାର ପାଣୀ) : ରାଜବୋଡାସମ୍ବର ଜୋନ ନଂ. ୧ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ପ୍ରଥମ ପର୍ଯ୍ୟାୟର ଫଳାଫଳ ଘୋଷଣା ଗତ ବିଳମ୍ବିତ ରାତ୍ରିରେ ଘୋଷଣା ହୋଇଯାଇଛି । ରାଜବୋଡାସମ୍ବର ଜୋନ ନଂ.୧ର ଜିଲ୍ଲା ପରିଷଦ ଭାରତୀୟ ଜନତା ପାର୍ଟିର ପ୍ରାର୍ଥିନୀ ସରସ୍ଵତୀ ସାହୁ ନିକଟତମ ପ୍ରତିଦ୍ୱନ୍ଦୀ ବିଜେଡି ଦଳର ପ୍ରାର୍ଥିନୀ ରଜନୀ ସାହୁଙ୍କୁ ମାତ୍ର ୧୨୯ ଖଣ୍ଡ ଭୋଟରେ ପରାସ୍ତ କରି ବିଜୟୀ ହୋଇଛନ୍ତି । ଶ୍ରୀମତୀ ସାହୁଙ୍କ ଜିଲ୍ଲା ପରିଷଦ ବିଜୟ ସକାଶେ ରାଜବୋଡାସମ୍ବର ବିଜେପି କାର୍ଯ୍ୟକର୍ତ୍ତାଙ୍କ ମହଲରେ ଖୁସିର ଲହରୀ ଖେଳିଯାଇଛି । ପଦ୍ମପୁର ପୂର୍ବତନ ବିଧାୟକ ତଥା ରାଜ୍ୟ ବିଜେପି କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ ରାଜବୋଡାସମ୍ବର ଅଞ୍ଚଳ ବାସୀଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି ।