ଚଣ୍ଡୀଗଡ଼ : ଏକ ସ୍ୱତନ୍ତ୍ର ଅଦାଲତ ପକ୍ସୋ ଆକ୍ଟରେ ଜଣକୁ ୧୦ ବର୍ଷର ଶିଶୁକନ୍ୟାକୁ ବଳାତ୍କାର କରିବା ପରେ ହତ୍ୟା ମାମଲାରେ ଫାଶୀ ଦଣ୍ଡାଦେଶ କରିଛନ୍ତି । ଆସାମୀକୁ ଜରିମାନା ମଧ୍ୟ ଦେବାକୁ ପଡିବ । ସୂଚନା ଅନୁସାରେ ଶୋଇବା ସମୟରେ ଆସାମୀ ଝିଅଟିକୁ ଘରୁ ଉଠାଇ ନେଇ ବଳାତ୍କାର କରିଥିଲା । ଯେତେବେଳେ ଝିଅଟି ଚିତ୍କାର କରିଥିଲା, ସେତେବେଳେ ସେ ତା’ ପାଟି ଓ ଗଳା ଦବାଇ ଶ୍ୱାସରୁଦ୍ଧ କରି ଜୀବନରେ ମାରି ଦେଇଥିଲା ଓ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ଶବକୁ କେନାଲରେ ଫିଙ୍ଗି ଦେଇଥିଲା ।
ସୂଚନାଯୋଗ୍ୟ ଯେ, ଥାନା ହାଥ୍ରସ୍ ଜଙ୍କସନ ଅଞ୍ଚଳର କସ୍ବା ମେଣ୍ଡୁ ଅଂଚଳରେ ଜଣେ ୧୦ ବର୍ଷର ବାଳିକାକୁ ୨୨ ଅଗଷ୍ଟ ରାତିରେ ତାଙ୍କ ଘର ନିକଟରେ ଅନ୍ୟ ସମ୍ପର୍କୀୟଙ୍କ ସହ ଶୋଇଥିବା ବେଳେ ସକାଳେ ପରିବାର ସଦସ୍ୟ ତାଙ୍କୁ ପାଇ ପାରିନଥିଲେ । ପରଦିନ ୨୩ ଅଗଷ୍ଟରେ ସୁଜିଆ ନିକଟ କେନାଲରେ ଝିଅର ମୃତଦେହ ମିଳିଥିଲା । ଏହି ମାମଲାରେ ଏକ ମାମଲା ରୁଜୁ କରି ପୋଲିସ ତିନି ଦିନ ମଧ୍ୟରେ ଘଟଣାର ଖୁଲାସା କରିଥିଲା ।
ଏହି ମାମଲାରେ ମହମୁଦପୁର ପୋଲିସ ଷ୍ଟେସନ ସିକନ୍ଦରାରାଉ ଜିଲ୍ଲା ହାଥ୍ରସ୍ର ଗଙ୍ଗାରାମ ବାସିନ୍ଦା ଚନ୍ଦ୍ରପାଲ କୁଶୱା ପୁତ୍ରକୁ ପୋଲିସ ଗିରଫ କରିଥିଲା । ଚନ୍ଦ୍ରପାଲଙ୍କ ଭଉଣୀ ଏହି ସହରରେ ରୁହେ ଏବଂ ଘଟଣା ଦିନ ସେ ତାଙ୍କ ଭଉଣୀଙ୍କ ଘରକୁ ରକ୍ଷାବନ୍ଧନ ଅବସରରେ ଆସିଥିଲା । ରାତିରେ ମଦ୍ୟପାନ କରି ଚନ୍ଦ୍ରପାଲ ପୀଡ଼ିତା ଝିଅଟିକୁ ଶୋଇ ପଡ଼ିଥିବା ସମୟରେ ଘରୁ ଉଠାଇ ନେଇଥିଲା । ବଳାତ୍କାର ସମୟରେ ଝିଅଟି ଚିତ୍କାର କଲା ବେଳେ ଅଭିଯୁକ୍ତ ଜଣକ ପାଟି ଓ ଗଳା ଦବାଇ ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ଝିଅକୁ ହତ୍ୟା କରିଥିଲା । ସ୍ୱତନ୍ତ୍ର ବିଚାରପତି (ପକ୍ସୋ ଆକ୍ଟ) ପ୍ରତିଭା ସାକ୍ସେନାଙ୍କ କୋର୍ଟରେ ଏହି ମାମଲାର ଶୁଣାଣି ହୋଇଥିଲା । ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରିଥିଲେ । ଆସାମୀକୁ ଫାଶୀ ଲଗାଇ ମୃତ୍ୟୁଦଣ୍ଡ ଦିଆଯିବା ସହ ଏକ ଲକ୍ଷ ୨୦ ହଜାର ଟଙ୍କା ଜରିମାନା କରାଯାଇଛି ।