ବଲାଙ୍ଗିର, (କେପିଏନ୍ଏସ୍) : ସହରର ଦୁର୍ଗା ମନ୍ଦିର ସମ୍ମୁଖରେ ଟମାଟୋ ବୋଝେଇ ପିକ୍ଅପ୍ ଗାଡି ଧକ୍କାରେ ଜଣେ ମୃତ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଥିବା ଜଣାପଡିଛି । ସୂଚନା ଯୋଗ୍ୟ ଯେ, ଉଭୟ ମହିଳା ଦ୍ୱୟ ଆଜି ସକାଳେ ବରଗଡ଼ ରୋଡ଼ ଆଡୁ ସେମାନେ ମର୍ଣ୍ଣିଂ ଓ୍ୱାକ୍ ସାରି ଘରକୁ ଫେରୁଥିଲେ । ତେବେ ଏହି ସମୟରେ ଏକ ଟମାଟୋ ବୋଝେଇ ପିକ୍ଅପ୍ ଗାଡି ଭାରସାମ୍ୟ ହରାଇ ଉଭୟଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇ ବଲାଙ୍ଗିର ଭୀମ ଭୋଇ ମେଡିକାଲରେ ଭର୍ତ୍ତି ହୋଇଥିବା ଜଣାପଡିଛି । ଉଭୟଙ୍କ ଘର ଘର ବଲାଙ୍ଗିର ସହରର ବ୍ରାହ୍ମଣ ପଡା ହୋଇଥିବା ବେଳେ ମୃତ ଜଣକ ହେଲେ ପ୍ରମିଳା ମହାପାତ୍ର ଓ ଗୁରୁତର ଜଣକ କୋଶଳ କିଶୋରୀ ସିଂ ବୋଲି ଜଣାପଡିଛି ।
