ପାଟଣାଗଡ଼, (ଗୋରେଖନାଥ ବରିହା) : ପୋଲିସ ପ୍ରଶାସନ ପକ୍ଷରୁ ଘୁଡୁଘୁଡ ପଟ୍ଟି ଉପରେ ବ୍ୟାପକ ନଜର ରଖାଯାଉଥିବାରୁ ଜୁଆଡି ମାନେ ଏବେ ନୂଆ ଧରଣର “ଗୁଲୁ” ନାମକ ଏକ ଜୁଆ ଖେଳରେ ମାତିଥିବା ଦେଖାଯାଉଛି । ଏହା ୧୩ ବାଜି ତାସ ଖେଳ ଏବଂ ପଟ୍ଟି ଭଳି ବୋଲି କୁହାଯାଉଛି । ଏହି ଜୁଆ ଖେଳରେ ମଧ୍ୟ ହଜାର ହଜାର ଟଙ୍କା ବାଜି ଲଗାଯାଉଥିବା ଜଣାପଡିଛି । ପାଟଣାଗଡ଼ ଉପଖଣ୍ଡର ଖପ୍ରାଖୋଲ ଥାନା ଗ୍ରାମାଞ୍ଚଳରେ ଥିବା ଛକ ସ୍ଥାନ ଗୁଡିକରେ ଜୁଆ ଖେଳ ଆଖଡ଼ା ବେଶ ଜମୁଛି । ବାହାର ରାଜ୍ୟର ଜୁଆଡି ମାନଙ୍କ ସମାଗମ ହୋଇଥିବା ମଧ୍ୟ ଜଣାପଡ଼ିଛି । ବିଶେଷ କରି ଶିକ୍ଷିତ ଯୁବକ, ଛାତ୍ର ମାନେ ଏହି ଖେଳ ପ୍ରତି ଆକୃଷ୍ଟ ହୋଇଥିବା ଆଲୋଚନା ହେଉଛି । ଏଥିପ୍ରତି ପୋଲିସ ଦୃଷ୍ଟି ଦେବାକୁ ସାଧାରଣରେ ମତ ପ୍ରକାଶ ପାଉଛି ।