ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା କଂଗ୍ରେସ କମିଟି ତରଫରୁ ଆରମ୍ଭ ହୋଇଥିବା ସେବା ଶିବିର ଅବସରରେ ରକ୍ତଦାନ କାର୍ଯ୍ୟକ୍ରମର ଆଜି ହେଉଛି ଅଷ୍ଟମ ଦିନ । ଏହି ଅବସରରେ ଜିଲ୍ଲା ଛାତ୍ର କଂଗ୍ରେସ ତରଫରୁ ଜିଲ୍ଲା ସଭାପତି ଅଙ୍କିତ ସାହୁଙ୍କ ଉପସ୍ଥିତିରେ ଛାତ୍ର ନେତା ନିରଞ୍ଜନ ମିଶ୍ରଙ୍କ ନେତୃତ୍ୱରେ ଆଜି ରକ୍ତଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟତଃ ନିରଞ୍ଜନ ମିଶ୍ର, ସିବାଶିଷ ସେଠ, ଶଙ୍କର ବିଶି, ମଣି ନାଏକ୍, ରାକେଶ ବେହେରା, ଅଭିନାଶ ବେହେରା ଏବଂ କମଳ କୁମାର ଅଗ୍ରୱାଲ ରକ୍ତ ଦାନ କରିଥିଲେ । ତେବେ ଏଥିରେ ରକ୍ତଦାତ ମାନଙ୍କୁ ଉତ୍ସାହିତ କରିବା ପାଇଁ ମନୀଷ ମିଶ୍ର, ବୁଲୁ ଦାନୀ, ସଞ୍ଜୟ ମିଶ୍ର, କୈଳାଶ ମିଶ୍ର, ଅଜୟ ବାଲି, ନାସିର୍ ଖାନ, ଟୁଲୁ ସେନ, ସୁଜିତ କୁମ୍ଭାର ପ୍ରମୁଖ ଉପସ୍ଥିତ ଥିଲେ ।
