ବଲାଙ୍ଗିର, (ଦେବାଶିଷ ମିଶ୍ର) : ଏକ ଢାବା ଉପରେ ଚଢ଼ଉ କରି ବିପୁଳ ପରିମାଣରେ ବିଦେଶୀ ମଦ ଜବତ କରିବା ସହ ଜଣକୁ ଗିରଫ କରିଛି ପୋଲିସ । ସୂଚନା ଅନୁସାରେ ପୁଇଁତଲା ଥାନା ଅନ୍ତର୍ଗତ ମଲମୁଣ୍ଡାଠାରେ ଥିବା ଆର୍ୟ୍ୟାନ୍ ଢାବା ଉପରେ ପୁଇଁତଲା ପୋଲିସ ଚଢାଉ କରିଛି ଓ ଢାବାରୁ ବିପୁଳ ପରିମାଣର ବିଦେଶୀ ମଦ ଜବତ କରିବା ସହ ଜଣଙ୍କୁ ଗିରଫ କରିଛି । ମିଳିଥିବା ସୂଚନା ଅନୁସାରେ ଗତକାଲି ସନ୍ଧ୍ୟାରେ ପୁଇଁତଲା ଥାନା ଅଧିକାରୀ ଯଶୋବନ୍ତ ପ୍ରଧାନୀଙ୍କ ନେତୃତ୍ଵରେ ମଲମୁଣ୍ଡାଠାରେ ଥିବା ଆର୍ୟ୍ୟାନ୍ ଢାବା ଉପରେ ଚଢାଉ କରାଯାଇଥିଲା। ଏହି ସମୟରେ ଢାବାରୁ ବିଭିନ୍ନ ନାମୀଦାମୀ ବ୍ରାଣ୍ଡ୍ ର ୧୫୩ ବୋତଲ ବିଦେଶୀ ମଦ ଓ ବିଅର୍ ଜବତ କରାଯାଇଛି । ବେଆଇନ ମଦ କାରବାର ଚଳାଇଥିବା ଅଭିଯୋଗରେ ପୁଇଁତଲା ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲା କୁଟେନପାଲି ଗାଁର ନିମେଇଁ ମାଝୀ ବୋଲି କୁହାଯାଇଛି। ଅଭିଯୁକ୍ତ ନିମେଇଁକୁ ଆଜି କୋର୍ଟ ଚାଲାଣ କରାଯିବ ବୋଲି ପୁଇଁତଲା ଥାନା ପକ୍ଷରୁ କୁହାଯାଇଛି ।