ଖପ୍ରାଖୋଲ, (କ୍ରିଷ୍ଣା ସେଠୀ) : ଖପ୍ରାଖୋଲ ବ୍ଲକ ମାଲପଡା ପଞ୍ଚାୟତ ଅନ୍ତର୍ଗତ ଜାମଚୁଆଁ ଗ୍ରାମର ରାଧେଶ୍ୟାମ ସାହୁ ପିତା କୈଳାସ ସାହୁଙ୍କ ଘରେ ସର୍ଟସର୍କିଟରୁ ନିଆଁ ଲାଗି ଯାଇଥିଲା । ଏହି ସମୟରେ ରାଧେଶ୍ୟାମ ଘରେ ନଥିଲେ ସେ ନିଜ ଶ୍ଵଶୁର ଘର କନ୍ଦାଗାଡକୁ ଯାଇଥିଲେ । ରାଧେଶ୍ୟାମଙ୍କ ଘରେ ନିଆଁ ଲାଗିଥିବା ଦେଖି ଗ୍ରାମବାସୀମାନେ ନିଆଁ ଲିଭାଇବାକୁ ଚେଷ୍ଟା କରିଥିଲେ ଏବଂ ଖପ୍ରାଖୋଲ୍ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ କର୍ମଚାରୀ ଏବଂ ମୁକେଶ ସୁନା, ବଲ୍ଲଭ ସାହୁ, ସୋରୋଜ ପ୍ରଧାନ, ଆଦର୍ଶ ଖମାରୀ ତଥା ଗ୍ରାମବାସୀଙ୍କ ମିଳିତ ସହଯୋଗରେ ନିଆଁ ଲିଭା ଯାଇଥିଲା ।
