ସଇଁନ୍ତଲା, (ଅଜିତ କୁମାର ସାହୁ) : ବଲାଙ୍ଗିର ଜିଲ୍ଲା ସଇଁନ୍ତଲା ଥାନା ଗୋପବନ୍ଧୁ ପଡ଼ାର ତିଳକର ସାହୁଙ୍କ ଘର ଦୁର୍ବୃତ୍ତମାନେ ଜାଲିଦେଇ ଥିବା ଏନେଇ ସଇଁନ୍ତଲା ଥାନାରେ ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ, ୩ ବର୍ଷ ହେଲାଣି ସନଦାସ ମୁଣ୍ଡା(କଲୋନୀ)ଠାରେ ବସବାସ କରି ଆସୁଥିଲେ ତିଳକର । ହେଲେ ଘରରେ କୌଣସି ଅସୁବିଧା ଯୋଗୁଁ ସେହି ସ୍ଥାନକୁ ଶୋଇବା ପାଇଁ ଯାଇ ନ ଥିଲେ ପରିବାର ଲୋକେ । ତେବେ ଘରରେ କେହିନ ଥିବା ଦେଖି ଘରକୁ ନିଆଁ ଲଗାଇଲେ ଦୁର୍ବୃତ୍ତ । ଫଳରେ ଲକ୍ଷାଧିକ ଟଙ୍କା କ୍ଷତି ହୋଇଥିବା ଅଭିଯୋଗ କରିଛନ୍ତି । ଅନ୍ୟପଟେ ଖବର ପାଇବା ପରେ ସ୍ଥାନୀୟ ଅଗ୍ନିଶମ ବିଭାଗ ପହଞ୍ଚି କିଛି ନିଆଁକୁ ମଧ୍ୟ ଆୟତ୍ତ କରିଥିଲେ । ତେବେ ପ୍ରଶାସନ ପକ୍ଷରୁ କ୍ଷତିପୂରଣ ପ୍ରଦାନ କରିବା ପାଇଁ ଦାବୀ କରିଛନ୍ତି । ଏନେଇ ପୁଲିସ ଏକ ମାମଲା ରୁଜୁ କରି ଘଟଣା ସମ୍ପର୍କରେ ତଦନ୍ତ କରୁଥିବା ଜଣାପଡିଛି ।