ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସ୍ଥାନୀୟ ଜେନିଥ ଲାୟନ୍ସ ଗୁରୁକୁଳର କୁନି କୁନି ଛାତ୍ରଛାତ୍ରୀମାନେ କାଉଡିଆ ବେଶରେ ବଡବନ୍ଧ ଶିବ ମନ୍ଦିରକୁ ଦିବ୍ୟ ଯାତ୍ରା କରି ମହାଦେବଙ୍କୁ ଜଳାଭିଷେକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଧି ଅନୁସାରେ ପବିତ୍ର ଶ୍ରାବଣ ମାସରେ, ଯେତେବେଳେ ପବନରେ ବି ଭଗବାନ ଶିବଙ୍କ ନାମ ଗୁଞ୍ଜରିତ ହୁଏ, ସେତେବେଳେ ଜେନିଥ୍ ଲିଓ, ଜେନିଥ ଲାୟନ୍ସ ଗୁରୁକୁଳର ବାଲବାଟିକା କ୍ୟାମ୍ପସର ଛୋଟ ଛୋଟ ତାରକାମାନେ ଏକ ଆଧ୍ୟାତ୍ମିକ ଯାତ୍ରାରେ ବାହାରିଥିଲେ । କୁନି କୁନି ପିଲାମାନେ ପ୍ରସିଦ୍ଧ ବଡ଼ବନ୍ଧ ଶିବ ମନ୍ଦିରରେ – ଯାହା ପଦ୍ମପୁରର ମହାଦେବଙ୍କ ଅତି ପବିତ୍ର ଧାମ ମଧ୍ୟରୁ ଗୋଟିଏ – ଦର୍ଶନ କରି ଆଶୀର୍ବାଦ ଲାଭ କଲେ । ଛୋଟ ଛୋଟ କାଉଡ଼ିଆମାନେ ଗୈରିକ ବସ୍ତ୍ରରେ ସଜ୍ଜିତ ହୋଇ, କୋମଳ କାନ୍ଧରେ ଛୋଟ ଛୋଟ କାଉଡ଼ି ଧରି, ମଥାରେ ତ୍ରିପୁଣ୍ଡ୍ର ଲଗାଇ ଏବଂ ହୃଦୟରେ ଅତୁଟ ଭକ୍ତି ଭରି, ବାଳ ଶିବ ଭକ୍ତ ପାଲଟି ଯାଇଥିଲେ । ନିଷ୍ପାପ କୋମଳମତି ବାଳକ ବାଳିକାମାନେ ବିଶ୍ୱାସର ସହିତ ‘ବୋଲବମ୍ ବୋଲବମ୍’ ଗାନ କରି ଯେତେବେଳେ ଚାଲୁଥିଲେ ଦର୍ଶକମାନେ ଆଭିଭୂତ ହୋଇ ଯାଇଥିଲେ । ସମସ୍ତଙ୍କ ଆଖିରେ ଖୁସିର ଲୁହ ଭରି ଆସିଥିଲା । ଶ୍ରାବଣ କେବଳ ଏକ ମାସ ନୁହେଁ, ଏହା ଏକ ଅନୁଭୂତି । ଏହା ଆମକୁ ବିଶ୍ୱାସ, ଧୈର୍ଯ୍ୟ, ଭକ୍ତି ଏବଂ ଭଗବାନଙ୍କ ପ୍ରତି ସମର୍ପଣ ଶିଖାଏ । ଏହି ଛୋଟ ପ୍ରୟାସ ମାଧ୍ୟମରେ ବିଦ୍ୟାଳୟର ମହତ୍ଵ ଉଦ୍ଦେଶ୍ୟ ଅନ୍ତର୍ନିହିତ । ପିଲାମାନେ ଭାରତୀୟତା, ନିଜ ସଂସ୍କୃତି ଏବଂ ନିଜ ସନାତନ ଧର୍ମ ସହିତ ଯୋଡ଼ି ହୋଇ ରୁହନ୍ତୁ । ସେମାନେ ଭଗବାନ ଶିବଙ୍କ ପ୍ରିୟ ମାସ ଶ୍ରାବଣ ମାସର ମହତ୍ତ୍ୱ ବାବଦରେ ଜାଣନ୍ତୁ, ଶ୍ରାବଣ ମାସ ତାଙ୍କୁ କାହିଁକି ଏତେ ପ୍ରିୟ ଏବଂ ପ୍ରକୃତ ଶିବ ଭକ୍ତ ହେବାର ଅର୍ଥ କଣ ତାହା ଜାଣନ୍ତୁ । ସେମାନଙ୍କ ମଧୁର “ବୋଲ ବମ୍” ଏବଂ “ହର ହର ମହାଦେବ” ଧ୍ୱନିରେ ମନ୍ଦିର ପରିସର ପ୍ରକମ୍ପିତ ହୋଇ ଉଠିଥିଲା । ସେମାନଙ୍କ ପ୍ରାର୍ଥନା ଛୋଟ ଥିଲା, କିନ୍ତୁ ସେମାନଙ୍କ ଭକ୍ତି ଅସୀମ ଥିଲା । ଭଗବାନ ଭୋଳାନାଥ ବିଶ୍ୱର ସମସ୍ତ କୁନି ପିଲାମାନଙ୍କୁ ସୁସ୍ଥ ସ୍ୱାସ୍ଥ୍ୟ, ଜ୍ଞାନ ଏବଂ ଉଜ୍ୱଳ ଭବିଷ୍ୟତ ପ୍ରଦାନ କରନ୍ତୁ । ମହାଦେବଙ୍କ ଆଶୀର୍ବାଦ ସମସ୍ତଙ୍କ ଉପରେ ରହୁ ବୋଲି ଜେନିଥ୍ ଲିଓ, ଜେନିଥ ଲାୟନ୍ସ ଗୁରୁକୁଳର କର୍ତ୍ତୃପକ୍ଷ କାମନା କରିଥାନ୍ତି ।