ଡେଲାଙ୍ଗ, (ଦିଲୀପ କୁମାର ଧାଉଡ଼ିଆ) : ଡେଲାଙ୍ଗ ବ୍ଲକ ଅର୍ନ୍ତଗତ ସାଉରିଆ ଗ୍ରାମର ପବନୀ ଧାଉଡିଆଙ୍କ ଏକ ଗୁହାଳ ଘର ମଶା ଧୁଆଁବତୀରୁ ନିଆଁ ଲାଗି ଅଗ୍ନିକାଣ୍ଡ ଘଟିଥିବା ବେଳେ ଅଗ୍ନିକାଣ୍ଡରେ ଗୁହାଳ ସଂପୂର୍ଣ୍ଣ ଭାବେ ଜଳି ଯାଇଥିଲା । ଦିନବେଳା ହୋଇଥିବାରୁ ଗ୍ରାବବାସୀଙ୍କ ଦ୍ୱାରା ଗୋରୁଗାଇଙ୍କୁ ଉଦ୍ଧାର କରାଯିବା ସହ ନିଆଁକୁ ଆୟତ୍ତ କରା ଯାଇପାରିଥିଲା । ସେହିପରି ସାଉରିଆ ଗ୍ରାମର ମନୋଜ ପରିଡାଙ୍କ ପାଳଗଦାରେ କୌଣସି କାରଣରୁ ଅଗ୍ନିକାଣ୍ଡ ସମ୍ପୁଣ୍ଣ ପାଳ ଗଦାଟି ଜଳିଯାଇଥିଲା । ଖବର ପାଇ ଡେଲାଙ୍ଗ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚି ନିଆଁକୁ ଲିଭାଇଥିଲେ ।