୨୦୨୫ ବର୍ଷ ପାଇଁ ଓଡ଼ିଶାକୁ ମିଳିବ ୫ଟି ଜାତୀୟ ପଞ୍ଚାୟତ ପୁରସ୍କାର
କୋରାପୁଟ ଜିଲ୍ଲା ପରିଷଦ ସର୍ବୋତ୍ତମ ଜିଲ୍ଲା ପଞ୍ଚାୟତ ପୁରସ୍କାର ବର୍ଗରେ ପ୍ରଥମ ସ୍ଥାନ ହାସଲ କରିଛି

ନୂଆଦିଲ୍ଲୀ, (ପିଆଇବି) : କେନ୍ଦ୍ର ସରକାରଙ୍କ ପଞ୍ଚାୟତି ରାଜ ମନ୍ତ୍ରଣାଳୟ ପକ୍ଷରୁ ଜାତୀୟ ପଞ୍ଚାୟତ ପୁରସ୍କାର ୨୦୨୫ ଘୋଷଣା କରାଯାଇଛି ।
ଦୀନ ଦୟାଲ ଉପାଧ୍ୟାୟ ପଞ୍ଚାୟତ ସତତ ବିକାଶ ପୁରସ୍କାର ଏବଂ ନାନାଜୀ ଦେଶମୁଖ ସର୍ବୋତ୍ତମ ପଞ୍ଚାୟତ ସତତ ବିକାଶ ପୁରସ୍କାର ଅଧୀନରେ ଓଡ଼ିଶା ପାଞ୍ଚଟି ଜାତୀୟ ପୁରସ୍କାର ପାଇବା ଲାଗି ମନୋନିତ ହୋଇଛି । ଆସନ୍ତା ଜୁନ୍ ୩ ତାରିଖରେ ନୂଆଦିଲ୍ଲୀରେ ଏହି ପୁରସ୍କାର ଦିଆଯିବ । ଓଡ଼ିଶା ସୁସ୍ଥ ପଞ୍ଚାୟତ, ଜଳ ସ୍ୱଚ୍ଛଳ ପଞ୍ଚାୟତ, ସ୍ୱଚ୍ଛ ଓ ସବୁଜ ପଞ୍ଚାୟତ ଏବଂ ସାମାଜିକ ଭାବେ ନ୍ୟାୟପୂର୍ଣ୍ଣ ଏବଂ ସୁରକ୍ଷିତ ପଞ୍ଚାୟତ ବର୍ଗରେ ପୁରସ୍କାର ପାଇବାକୁ ମନୋନିତ ହୋଇଛି । ନାନାଜୀ ଦେଶମୁଖ ସର୍ବୋତ୍ତମ ପଞ୍ଚାୟତ ସତତ ବିକାଶ ପୁରସ୍କାର ଅଧୀନରେ କୋରାପୁଟ ଜିଲ୍ଲା ପରିଷଦ ସର୍ବୋତ୍ତମ ଜିଲ୍ଲା ପଞ୍ଚାୟତ ପୁରସ୍କାର ହାସଲ କରିବାକୁ ଯୋଗ୍ୟତା ହାସଲ କରିଛି । ସୁସ୍ଥ ପଞ୍ଚାୟତ ବର୍ଗରେ ଗଞ୍ଜାମ ଜିଲ୍ଲା ତୃତୀୟ ପୁରସ୍କାର ପାଇବାକୁ ମନୋନିତ ହୋଇଥିବାବେଳେ ୨୫ ଲକ୍ଷ ଟଙ୍କାର ପୁରସ୍କାର ରାଶି ପାଇବ । ସେହିପରି କେନ୍ଦୁଝର ଜିଲ୍ଲା ପଡ଼ୁଆ ପଞ୍ଚାୟତ ଜଳ ସ୍ୱଚ୍ଛଳ ପଞ୍ଚାୟତ ବର୍ଗରେ ତୃତୀୟ ସ୍ଥାନ ହାସଲ କରି ୫୦ ଲକ୍ଷ ଟଙ୍କାର ପୁରସ୍କାର ରାଶି ଜିତିଛି । ସୁନ୍ଦରଗଡ଼ ଜିଲ୍ଲାର ହାତୀବନ୍ଧ ପଞ୍ଚାୟତ ସ୍ୱଚ୍ଛ ଓ ସବୁଜ ପଞ୍ଚାୟତ ବର୍ଗରେ ଯୁଗ୍ମ ଦ୍ୱିତୀୟ ସ୍ଥାନ ହାସଲ କରିଥିବା ବେଳେ ପୁରସ୍କାର ବାବଦରେ ୩୭ ଲକ୍ଷ ୫୦ ହଜାର ଟଙ୍କା ପାଇବ । ଗଞ୍ଜାମ ଜିଲ୍ଲାର ମନ୍ଦାର ପଞ୍ଚାୟତ ସାମାଜିକ ଭାବେ ନ୍ୟାୟ ପୂର୍ଣ୍ଣ ଏବଂ ସୁରକ୍ଷିତ ପଞ୍ଚାୟତବର୍ଗରେ ଦ୍ୱିତୀୟ ସ୍ଥାନ ହାସଲ କରିଛି । ଏହି ପଞ୍ଚାୟତକୁ ୩୭ ଲକ୍ଷ ୫୦ ହଜାର ଟଙ୍କାର ପୁରସ୍କାର ମିଳିବ । ସେହିପରି ଅଧୀନରେ କୋରାପୁଟ ଜିଲ୍ଲା ପରିଷଦ ସର୍ବୋତ୍ତମ ଜିଲ୍ଲା ପଞ୍ଚାୟତ ପୁରସ୍କାର ବର୍ଗରେ ପ୍ରଥମ ସ୍ଥାନ ହାସଲ କରିବା ସହିତ ୫ କୋଟି ଟଙ୍କାର ପୁରସ୍କାର ରାଶି ପାଇବାକୁ ଯୋଗ୍ୟ ବିବେଚିତ ହୋଇଛି ।
ପୋଟଲମପୁର ଗ୍ରାମ ପଞ୍ଚାୟତ (ଜନସଂଖ୍ୟା: ୯,୬୩୯; ୧୯୧୩ ପରିବାର) ମୌଳିକ ସୁବିଧା ସହିତ ସମ୍ପୂର୍ଣ୍ଣ କାର୍ଯ୍ୟକ୍ଷମ ସ୍ୱାସ୍ଥ୍ୟ କେନ୍ଦ୍ର ଏବଂ ଉପ-କେନ୍ଦ୍ର ସ୍ଥାପନ କରିଛି ।୧୦୦% ଖୋଲାଶୌଚମୁକ୍ତ ସ୍ଥିତି ବଜାୟ ରଖିଛି ଏବଂ ଦକ୍ଷତାପୂର୍ଣ୍ଣଭାବେ କଠିନ ଓ ତରଳ ବର୍ଜ୍ୟବସ୍ତୁ ପରିଚାଳନା ବ୍ୟବସ୍ଥା କାର୍ଯ୍ୟକାରୀ କରିଛି। ପଞ୍ଚାୟତ ଏକ ଜନ ସେବା କେନ୍ଦ୍ର ମାଧ୍ୟମରେ ଡିଜିଟାଲ୍ ଶାସନକୁ ସୁଦୃଢ଼ କରିଛି । ଉନ୍ନତ ଆଭ୍ୟନ୍ତରୀଣ ରାସ୍ତା ସଂଯୋଗ ସୁନିଶ୍ଚିତ କରିବାସହିତଏଲଇଡିଷ୍ଟ୍ରିଟଲାଇଟ୍ ସ୍ଥାପନ କରିପାରିଛି । ଏଠାରେନିୟମିତ ସ୍ୱାସ୍ଥ୍ୟ ଏବଂ ପୋଷଣକାର୍ଯ୍ୟକଳାପକୁ ପ୍ରୋତ୍ସାହିତ କରାଯାଉଛି ।ଏହିପଞ୍ଚାୟତରେଖେଳ ପଡ଼ିଆ, ଗୋଷ୍ଠୀକେନ୍ଦ୍ର, ବର୍ଷାଜଳ ଅମଳ ବ୍ୟବସ୍ଥା ଏବଂ ପରିବେଶ-ସମ୍ବେଦନଶୀଳ ବୃକ୍ଷରୋପଣ ପଦକ୍ଷେପ ସମେତ ସାମାଜିକ ଭିତ୍ତିଭୂମି ବିକଶିତ କରାଯାଇଛି ।
ପଡ଼ୁଆ ଗ୍ରାମ ପଞ୍ଚାୟତ (ଜନସଂଖ୍ୟା: ୫,୧୦୫; ୧,୧୧୨ ପରିବାର) ୧୦୦% କାର୍ଯ୍ୟକ୍ଷମ ଘରୋଇ ଟ୍ୟାପ୍ ସଂଯୋଗ ହାସଲ କରିଛି ଏବଂ ସବୁ ପରିବାରକୁ ନିୟମିତ ପାନୀୟ ଜଳ ଯୋଗାଣ ସୁନିଶ୍ଚିତ କରିଛି । ଏହିପଞ୍ଚାୟତ ୫୦% ମହିଳା ପ୍ରତିନିଧିତ୍ୱ ସହିତଗ୍ରାମ୍ୟଜଳ ଓ ପରିମଳସମିତିଗୁଡ଼ିକୁ ସଂସ୍ଥାଗତ ରୂପଦେଇଛି । କ୍ଷେତ୍ର ପରୀକ୍ଷା କିଟ୍-ଆଧାରିତ ଜଳ ଗୁଣବତ୍ତା ପରୀକ୍ଷଣ କାର୍ଯ୍ୟକାରୀ କରିଛି ଏବଂ ଗ୍ରାମରେ ସୋକ୍ ପିଟ୍ ଏବଂ ମଳଜଳ ପରିଚାଳନା ବ୍ୟବସ୍ଥାକୁ ପ୍ରୋତ୍ସାହିତ କରିଛି।
ମୂଲ୍ୟାଙ୍କନ ବର୍ଷରେ, ହାତୀବନ୍ଧା ଏବଂ ମନ୍ଦାର ଗ୍ରାମ ପଞ୍ଚାୟତ ନିର୍ବାଚିତ ମହିଳା ମୁଖ୍ୟ/ସରପଞ୍ଚଙ୍କ ଦ୍ୱାରା ପରିଚାଳିତ ହେଉଥିଲେ। ହାତୀବନ୍ଧ ଗ୍ରାମ ପଞ୍ଚାୟତ (ଜନସଂଖ୍ୟା: ୪,୮୭୦; ୧,୦୯୪ ପରିବାର) ଘର ଘର ବୁଲି ବର୍ଜ୍ୟବସ୍ତୁ ସଂଗ୍ରହ, ପୃଥକୀକରଣ, କମ୍ପୋଷ୍ଟିଂ ଏବଂ କ୍ୟୁଆର-କୋଡ୍-ଆଧାରିତ ବର୍ଜ୍ୟବସ୍ତୁ ନିରୀକ୍ଷଣପ୍ରଣାଳୀ ସହିତ ଏକ ଆଦର୍ଶକଠିନ ଓ ତରଳ ବର୍ଜ୍ୟବସ୍ତୁ ପରିଚାଳନା ବ୍ୟବସ୍ଥା ପ୍ରତିଷ୍ଠା କରିଥିଲା। ଏହିପଞ୍ଚାୟତ ବ୍ୟାପକ ବୃକ୍ଷରୋପଣ ଅଭିଯାନ ଚଳାଇବାସହିତମିଆୱାକି ଜଙ୍ଗଲ ବିକଶିତ କରିଛି । ସ୍ୱୟଂସହାୟକଗୋଷ୍ଠୀନେତୃତ୍ୱରେ ସବୁଜ ଉଦ୍ୟୋଗକୁ ପ୍ରୋତ୍ସାହିତ କରାଯାଇଛି ।ଏହାସହିତନିରନ୍ତର ପରିମଳ ଅଭିଯାନ ଏବଂ ଜନଭାଗିଦାରୀମାଧ୍ୟମରେ ଖୋଲାଶୌଚମୁକ୍ତ (ଓଡିଏଫ)ପ୍ଲସ୍ ସ୍ଥାୟିତ୍ୱ ସୁନିଶ୍ଚିତ କରିଛି ।
ମନ୍ଦାର ଗ୍ରାମ ପଞ୍ଚାୟତ (ଜନସଂଖ୍ୟା: ୩୮୫୬; ୮୪୬ ପରିବାର) ଯୋଗ୍ୟ ହିତାଧିକାରୀଙ୍କ ପାଇଁ ସାମାଜିକ ସୁରକ୍ଷା ଯୋଜନାର ପରିପୂର୍ଣ୍ଣତା, ସାର୍ବଜନୀନ ଖାଦ୍ୟ ସୁରକ୍ଷା କଭରେଜ୍, ବୟସ୍କ ଓ ଦୁର୍ବଳ ଗୋଷ୍ଠୀଙ୍କ ପାଇଁ ପେନସନ୍ ସୁବିଧାଓ କଲ୍ୟାଣକାରୀ ଯୋଜନାର ଦୃଢ଼ କାର୍ଯ୍ୟକାରିତା ସୁନିଶ୍ଚିତ କରିଥିଲା। ପଞ୍ଚାୟତ ଆର୍ଥିକ ଅନ୍ତର୍ଭୁକ୍ତିକରଣ, ଏସଏଚଜିଏକୀକରଣ, ମନରେଗାରେଅଂଶଗ୍ରହଣ ତଥାମହିଳା, ଅନୁସୂଚିତ ଜନଜାତି ଓ ଆର୍ଥିକ ଭାବରେ ଦୁର୍ବଳ ପରିବାର ସମେତ ବଞ୍ଚିତବର୍ଗଙ୍କ ପାଇଁ ଲକ୍ଷ୍ୟଭିତ୍ତିକ ସହାୟତାକୁ ସୁଦୃଢ଼ କରିଛି।
କୋରାପୁଟ ଜିଲ୍ଲା ପରିଷଦ ନାନାଜୀ ଦେଶମୁଖ ସର୍ବୋତ୍ତମ ପଞ୍ଚାୟତ ସତତ ବିକାଶ ପୁରସ୍କାର ବର୍ଗରେ ଶ୍ରେଷ୍ଠ ଜିଲ୍ଲା ପଞ୍ଚାୟତ ପାଇଁ ଜାତୀୟ ସ୍ତରରେ ପ୍ରଥମ ସ୍ଥାନ ହାସଲ କରିଛି । ଏଥିପାଇଁକୋରାପୁଟ ଜିଲ୍ଲା ପରିଷଦକୁ୫ କୋଟି ଟଙ୍କାପୁରସ୍କାର ରାଶି ମିଳିବ। ଏହି ପୁରସ୍କାର ପଞ୍ଚାୟତ ପ୍ରଶାସନ, ସେବା ବିତରଣ, ଗ୍ରାମୀଣ ଭିତ୍ତିଭୂମି ସୃଷ୍ଟି, ସାମାଜିକ ଅନ୍ତର୍ଭୁକ୍ତିକରଣ, ସମନ୍ୱୟ-ଆଧାରିତ ଯୋଜନା ଏବଂ ଜିଲ୍ଲା ସାରା ପ୍ରମୁଖ ଯୋଜନାର ପ୍ରଭାବଶାଳୀ କାର୍ଯ୍ୟକାରିତାରେ ସାମଗ୍ରିକ ଉତ୍କର୍ଷତାକୁ ସ୍ୱୀକୃତି ଦେଇଥାଏ ।