- ରାଜ୍ୟଗୋଷ୍ଠୀ କ୍ରୀଡ଼ା ଅଭିଯାନରେ ଯୋଗଦେବାକୁ ଦେଶର ଯୁବପିଢ଼ିଙ୍କୁ ଆମନ୍ତ୍ରଣ
- ତିନୋଟି ପଦକ୍ଷେପ ମାଗଣା; ଯୁବପିଢ଼ିଙ୍କ ବ୍ୟାପକ ଅଂଶଗ୍ରହଣକୁ ପ୍ରୋତ୍ସାହନ ଦେବା ଲକ୍ଷ୍ୟ
ନୂଆଦିଲ୍ଲୀ, (ପିଆଇବି) : ଗୁଜରାଟର ଅହମ୍ମଦାବାଦରେ ଆୟୋଜିତ ହେବାକୁ ଥିବା ରାଜ୍ୟଗୋଷ୍ଠୀ କ୍ରୀଡା (ସିଡବ୍ଲୁ୍ଜି) ୨୦୩୦ ପୂର୍ବରୁ, ଭାରତୀୟ କ୍ରୀଡା ପ୍ରାଧିକରଣ (ଏସଏଆଇ) ମାଇଁ ଭାରତ ସହଯୋଗରେ ତିନୋଟି ଦେଶବ୍ୟାପୀ ସକ୍ରିୟ ସଂପୃକ୍ତି ପଦକ୍ଷେପ ଆରମ୍ଭ କରିଛି।
ଏହି ପଦକ୍ଷେପଗୁଡ଼ିକ ଦ୍ଵାରା ସାରା ଦେଶରେ ଖେଳୁଆଡ୍ ମନୋଭାବ, ସୃଜନଶୀଳତା ଏବଂ ଯୁବ ଅଂଶଗ୍ରହଣକୁ ପ୍ରୋତ୍ସାହିତ କରିବା ପାଇଁ ଲକ୍ଷ୍ୟ ରଖାଯାଇଛି। ଅଭିଯାନର ଅଂଶ ସ୍ୱରୂପ, ଅଂଶଗ୍ରହଣକାରୀମାନେ ରାଜ୍ୟଗୋଷ୍ଠୀ କ୍ରୀଡା ୨୦୩୦ ମଶାଲ ଡିଜାଇନ୍ ପ୍ରତିଯୋଗିତା’, ‘ସିଡବ୍ଲୁ୍ଜି ରିଲ୍ ଚ୍ୟାଲେଞ୍ଜ’ ଏବଂ ‘ରାଜ୍ୟଗୋଷ୍ଠୀ କ୍ରୀଡା ୨୦୩୦ କୁଇଜ୍’ରେ ଅଂଶଗ୍ରହଣ କରିପାରିବେ।
ଏଡି ପ୍ରତିଯୋଗିତା ମାଇଁ ଭାରତ ଉପଭୋକ୍ତାଙ୍କ ପାଇଁ ଖୋଲା ରହିଛି । ଏହା ‘ଭାରତରେ ରାଜ୍ୟଗୋଷ୍ଠୀ କ୍ରୀଡା ୨୦୩୦’ର ଦୃଷ୍ଟିକୋଣ ବିଷୟରେ ସଚେତନତା ଏବଂ ଉତ୍ସାହ ସୃଷ୍ଟି କରିବାକୁ ଚେଷ୍ଟା କରେ।
ରାଜ୍ୟଗୋଷ୍ଠୀ କ୍ରୀଡ଼ା ୨୦୩୦ ମଶାଲ ଡିଜାଇନ୍ ପ୍ରତିଯୋଗିତା
ରାଜ୍ୟଗୋଷ୍ଠୀ କ୍ରୀଡ଼ା ୨୦୩୦ ମଶାଲ ଡିଜାଇନ୍ ପ୍ରତିଯୋଗିତା’ ଭାରତର ସଂସ୍କୃତି, ଐତିହ୍ୟ, ନବସୃଜନ, ସ୍ଥିରତା ଏବଂ କ୍ରୀଡା ଉତ୍କର୍ଷତା ଦ୍ୱାରା ଅନୁପ୍ରାଣିତ ଏକ ମଶାଲ ଡିଜାଇନ୍ କରିବାକୁ ନାଗରିକମାନଙ୍କୁ ଆମନ୍ତ୍ରଣ କରୁଛି। ପ୍ରବେଶଗୁଡ଼ିକ ଡିଜିଟାଲ୍ ମାଧ୍ୟମରେ କିମ୍ବା ହାତରେ ଅଙ୍କିତ ଫର୍ମାଟରେ ୨୦୦ ଶବ୍ଦ ପର୍ଯ୍ୟନ୍ତ ଏକ ଇଚ୍ଛାଧୀନ ଧାରଣା ନୋଟ୍ ସହିତ ଦାଖଲ କରାଯାଇପାରିବ।
ଏହି ପ୍ରତିଯୋଗିତା ୧୧ ମେ’ ୨୦୨୬ ରୁ ୨୦ ମେ’ ୨୦୨୬ ପର୍ଯ୍ୟନ୍ତ ଅନଲାଇନରେ ଅନୁଷ୍ଠିତ ହେବ । ଅଂଶଗ୍ରହଣକାରୀମାନେ କେବଳ ଗୋଟିଏ ପ୍ରବେଶ ଦାଖଲ କରିପାରିବେ। ମନୋନୀତ ବିଜେତାମାନେ ଫିଟ୍ ଇଣ୍ଡିଆ ହାମ୍ପର ଏବଂ ସ୍ୱୀକୃତି ପ୍ରମାଣପତ୍ର ପାଇବେ। ଯୋଗ୍ୟ ଅଂଶଗ୍ରହଣକାରୀମାନେ ଡିଜିଟାଲ୍ ଅଂଶଗ୍ରହଣ ପ୍ରମାଣପତ୍ର ପାଇବେ।
ରାଜ୍ୟଗୋଷ୍ଠୀ କ୍ରୀଡ଼ା (ସିଡବ୍ଲୁ୍ଜି) ରିଲ୍ ଚ୍ୟାଲେଞ୍ଜ
‘ରାଜ୍ୟଗୋଷ୍ଠୀ କ୍ରୀଡ଼ା (ସିଡବ୍ଲୁ୍ଜି) ରିଲ୍ ଚ୍ୟାଲେଞ୍ଜ’, ଅଂଶଗ୍ରହଣକାରୀମାନଙ୍କୁ ଭାରତର ବିକଶିତ କ୍ରୀଡ଼ା ସଂସ୍କୃତି, ସ୍ଥାନୀୟ କ୍ରୀଡ଼ା ଭିତ୍ତିଭୂମି, ଫିଟନେସ୍ ଏବଂ ରାଜ୍ୟଗୋଷ୍ଠୀ କ୍ରୀଡ଼ା ୨୦୩୦ ଆୟୋଜନ ପାଇଁ ଉତ୍ସାହକୁ ପ୍ରଦର୍ଶିତ କରୁଥିବା ମୌଳିକ ରିଲ୍ ତିଆରି କରିବାକୁ ଉତ୍ସାହିତ କରେ।
ଅଂଶଗ୍ରହଣକାରୀମାନଙ୍କୁ ରାଜ୍ୟଗୋଷ୍ଠୀ କ୍ରୀଡ଼ା ୨୦୩୦ ପାଇଁ ଭାରତର ପ୍ରସ୍ତୁତିକୁ ସମର୍ଥନ କରିବା ଏବଂ ରାଜ୍ୟଗୋଷ୍ଠୀ କ୍ରୀଡ଼ା ୨୦୨୬ ପାଇଁ ଭାରତୀୟ ଦଳର ସଫଳତା କାମନା କରିବା ଲାଗି ବାର୍ତ୍ତା ଅନ୍ତର୍ଭୁକ୍ତ କରିବାକୁ ମଧ୍ୟ ଉତ୍ସାହିତ କରାଯାଉଛି। ରିଲ୍ ଅବଧି ୬୦ ସେକେଣ୍ଡରୁ ଅଧିକ ହେବା ଉଚିତ୍ ନୁହେଁ।
ଏହି ଚ୍ୟାଲେଞ୍ଜ ୦୭ ମେ’ ୨୦୨୬ ରୁ ୧୬ ମେ’ ୨୦୨୬ ପର୍ଯ୍ୟନ୍ତ ଚାଲିବ। ପ୍ରତି ଅଂଶଗ୍ରହଣକାରୀଙ୍କ ପାଇଁ ଗୋଟିଏ ପ୍ରବେଶ ଅନୁମତି ରହିବ। ଶ୍ରେଷ୍ଠ ପାଞ୍ଚ ରିଲ୍ ପ୍ରସ୍ତୁତକାରୀ ଭାରତୀୟ କ୍ରୀଡା ପ୍ରାଧିକରଣ ଠାରୁ ଫିଟ୍ ଇଣ୍ଡିଆ ହ୍ୟାମ୍ପର ପାଇବେ।
ରାଜ୍ୟଗୋଷ୍ଠୀ କ୍ରୀଡା ୨୦୩୦ କୁଇଜ୍
‘ରାଜ୍ୟଗୋଷ୍ଠୀ କ୍ରୀଡ଼ା ୨୦୩୦ କୁଇଜ୍’ ଭାରତର କ୍ରୀଡା ଐତିହ୍ୟକୁ ପାଳନ କରେ। ଏହା ରାଜ୍ୟଗୋଷ୍ଠୀ କ୍ରୀଡାରେ ଦେଶର ଯାତ୍ରା ବିଷୟରେ ସଚେତନତା ବୃଦ୍ଧି କରିବା ପାଇଁ ଲକ୍ଷ୍ୟ ରଖିଛି।
ଏହି କୁଇଜ୍ରେ ୫ ମିନିଟ୍ ମଧ୍ୟରେ ୧୦ଟି ବହୁବିକଳ୍ପ ପ୍ରଶ୍ନ ସମାପ୍ତ କରିବାକୁ ପଡିବ। ଅଂଶଗ୍ରହଣକାରୀମାନଙ୍କୁ ଯୋଗ୍ୟତା ହାସଲ କରିବା ପାଇଁ ଅତି କମରେ ୮ ନମ୍ବର ସ୍କୋର କରିବାକୁ ପଡିବ। ପ୍ରତି ଅଂଶଗ୍ରହଣକାରୀଙ୍କ ପାଇଁ କେବଳ ଗୋଟିଏ ପ୍ରୟାସ ଅନୁମତିପ୍ରାପ୍ତ।
ଏହି କୁଇଜ୍ ୦୯ ମେ’ ୨୦୨୬ ରୁ ୨୬ ସେପ୍ଟେମ୍ବର ୨୦୨୬ ପର୍ଯ୍ୟନ୍ତ ଖୋଲା ରହିବ ଏବଂ ପ୍ରତି ସପ୍ତାହରେ ଶ୍ରେଷ୍ଠ ପାଞ୍ଚ ଜଣ ବିଜେତାଙ୍କ ନାମ ଘୋଷଣା କରାଯିବ। ଅଂଶଗ୍ରହଣ ପ୍ରମାଣପତ୍ର ମଧ୍ୟ ପ୍ରଦାନ କରାଯିବ।
ସମସ୍ତ ତିନୋଟି ପ୍ରୟାସ ମାଗଣା ରହିବ ଏବଂ ଏହାର ଲକ୍ଷ୍ୟ ହେଉଛି ଭାରତର କ୍ରୀଡା ଆନ୍ଦୋଳନରେ ସାଧାରଣ ଜନତାଙ୍କ ସହଭାଗୀତାକୁ ବୃଦ୍ଧି କରିବା। ବିଶେଷ କରି ଯୁବପିଢ଼ିଙ୍କ ମଧ୍ୟରେ, ଉତ୍ସାହ ଏବଂ ସୃଜନଶୀଳତା, ଜାତୀୟ ଗୌରବର ଭାବନା ସୃଷ୍ଟି କରିବା ଏବଂ ୨୦୩୦ ରାଜ୍ୟଗୋଷ୍ଠୀ କ୍ରୀଡାର ସଫଳ ଆୟୋଜନ ପାଇଁ ସାମୂହିକ ଉତ୍ସାହକୁ ପ୍ରୋତ୍ସାହିତ କରିବା ।