- ପାଣି ସମସ୍ୟା ସମାଧାନ ପାଇଁ ବଡ଼ ପଦକ୍ଷେପ
ରାଉରକେଲା, (ସସ୍ମିତା ପ୍ରଧାନ) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁରୁତ୍ୱାକାଂକ୍ଷୀ “ହର୍ ଘର ଜଳ, ଘର-ଘର ନଳ” ଯୋଜନା ଅନୁସାରେ ଆଜି ବନ୍ଧମୁଣ୍ଡା ଅଞ୍ଚଳରେ ଗୋଟିଏ ଗୁରୁତ୍ୱପୂର୍ଣ୍ଣ ପଦକ୍ଷେପର ଆରମ୍ଭ ହୋଇଛି । ଏହି ଯୋଜନା ଅଧୀନରେ ସେକ୍ଟର ସି, ସେକ୍ଟର ବି, ଗୁପଚୁପ ବସ୍ତି ଏବଂ ଚୁଡ଼ି ବସ୍ତିରେ ପାଣି ବ୍ୟବସ୍ଥାକୁ ସୁଦୃଢ କରିବା ପାଇଁ କାମ ଆରମ୍ଭ ହୋଇଯାଇଛି । ଏହି ଅବସରରେ ବନ୍ଧମୁଣ୍ଡା ବିଜେପି ମଣ୍ଡଳ ଅଧ୍ୟକ୍ଷ ଲକ୍ଷ୍ମଣ ଲୋହାର କହିଥିଲେ ଯେ, ଏହି ପଦକ୍ଷେପ ଅଞ୍ଚଳବାସୀଙ୍କ ପାଇଁ ବଡ଼ ସାହାଯ୍ୟ ସାବ୍ୟସ୍ତ ହେବ । ଦୀର୍ଘ ସମୟ ଧରି ଚାଲିଆସୁଥିବା ପାଣି ସମସ୍ୟାର ସମାଧାନ ପାଇଁ ଏହା ଗୋଟିଏ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ସେ କହିଥିଲେ । ସେ ଆଶା ବ୍ୟକ୍ତ କରିଥିଲେ ଯେ, ଶୀଘ୍ର ହିଁ ପ୍ରତ୍ୟେକ ଘରକୁ ପରିଷ୍କାର ଏବଂ ନିୟମିତ ପାଣି ଯୋଗାଣ ସୁନିଶ୍ଚିତ ହେବ । ଏହି କାର୍ଯ୍ୟକ୍ରମରେ ଅଞ୍ଚଳର ଅନେକ ଗଣ୍ୟମାନ୍ୟ ବ୍ୟକ୍ତି ଏବଂ ସ୍ଥାନୀୟ ଅଧିବାସୀମାନେ ଉପସ୍ଥିତ ଥିଲେ । ପ୍ରମୁଖ ଭାବେ ପରମେଶ୍ୱର ସମାସି, ଅମିତ ସେନ ଗୁପ୍ତା, ସୁଚିତ୍ରା ବାରିକ, ବବଲୁ ପରମାଣିକ, ବିମଳା ସମାସି, ମୋନୁ ପାଣିଗ୍ରାହୀ, ବସନ୍ତୀ, ଦୁର୍ଗୀ, ଚେତୋ, ସତ୍ୟବତୀ, ଉଷା, ନାରାୟଣ, ରଞ୍ଜିତ ଓରାମ, ରାଜୁ, ସୁକାନ୍ତି, ସରିତା, ସୁମନ୍ତୀ, ଚିତ୍ରନାଥ, କରଣ, ସୁମିତ୍ରା, ସଙ୍ଗୀତା, ବିଷ୍ଣୁ ଦେବୀ, ଗୁନ୍ହା ଦେବୀ, ଚାରି, ଅଜୟ ଏବଂ କୁସୁମ ଦେବୀ ପ୍ରମୁଖ ଉପସ୍ଥିତ ଥିଲେ ।