ଜିଲ୍ଲାସ୍ତରୀୟ ଶିଶୁ କଲ୍ୟାଣ ସୁରକ୍ଷା କମିଟିର ବୈଠକ ହେଉନାହିଁ, ଜିଲ୍ଲାରେ କେମିତି କାର୍ଯ୍ୟକାରୀ ହେଉଛି ମିଶନ ବାତ୍ସଲ୍ୟ
- ବଞ୍ଚିତ ହେଉଛନ୍ତି ଅନାଥ ଶିଶୁ, ପାଉନାହାନ୍ତି ସହାୟତା ରାଶି
ବଲାଙ୍ଗିର, (କେପିଏନ୍ଏସ୍) : ରାଜ୍ୟ ଓ କେନ୍ଦ୍ର ସରକାରଙ୍କ ଦ୍ୱାରା ମହିଳା ଓ ଶିଶୁ ବିକାଶ ବିଭାଗରେ ୨୦୨୨ ମସିହାରେ ମିଶନ ବାତ୍ସଲ୍ୟ ମାର୍ଗଦର୍ଶିକା ମାଧ୍ୟମରେ ବିଭିନ୍ନ ଯୋଜନା କାର୍ଯ୍ୟକାରୀ କରିବାକୁ ରାଜ୍ୟ ସ୍ତରରେ ଓଡ଼ିଶା ରାଜ୍ୟ ଶିଶୁ ମଙ୍ଗଳ କମିଟି ଏବଂ ପ୍ରତ୍ୟେକ ଜିଲ୍ଲାରେ ଜିଲ୍ଲା ଶିଶୁ ମଙ୍ଗଳ ଏବଂ ସୁରକ୍ଷା କମିଟିର ଗଠନ କରାଯାଇଛି । ଏହା ମିଶନ ବାତ୍ସଲ୍ୟକୁ କାର୍ଯ୍ୟକାରୀ କରିବା ପାଇଁ ଜିଲ୍ଲା ମାଜିଷ୍ଟ୍ରେଟ କମିଟିର ତ୍ରୈମାସିକ ସମୀକ୍ଷା ବୈଠକ କରିବେ । କମିଟିର ଗଠନ ନିମ୍ନଲିଖିତ ହେବ ଯଥା ଜିଲ୍ଲା ମାଜିଷ୍ଟ୍ରେଟ୍ ଅଧ୍ୟକ୍ଷ, ପୋଲିସ ଅଧିକ୍ଷକ ସଦସ୍ୟ, ଜିଲ୍ଲା ଆଇନ ସେବା ପ୍ରାଧିକରଣର ପ୍ରତିନିଧି ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସହରାଞ୍ଚଳ, ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଜିଲ୍ଲା ପରିଷଦ, ଜିଲ୍ଲା/ମୁଖ୍ୟ ଚିକିତ୍ସା ଅଧିକାରୀ/ସିଭିଲ୍ ସର୍ଜନ, ଜିଲ୍ଲା ଶ୍ରମ ଅଧିକାରୀ, ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା କ୍ରୀଡା ଅଧିକାରୀ, ଜିଲ୍ଲା ସମାଜ କଲ୍ୟାଣ ଅଧିକାରୀ, ପ୍ରକଳ୍ପ ଅଧିକାରୀ, ସମନ୍ୱିତ ଆଦିବାସୀ ବିକାଶ ପ୍ରକଳ୍ପ, ଜିଲ୍ଲା ଦକ୍ଷତା ବିକାଶ ଅଧିକାରୀ ସଦସ୍ୟ, ଜିଲ୍ଲା ଯୋଜନା ଅଧିକାରୀ, ଜିଲ୍ଲା କାର୍ଯ୍ୟକ୍ରମ ଅଧିକାରୀ, ଜିଲ୍ଲା ସମାଜ କଲ୍ୟାଣ ଅଧିକାରୀ/ଶିଶୁ ବିକାଶ ପ୍ରକଳ୍ପ ଅଧିକାରୀ ମୁଖ୍ୟାଳୟ, ସଦସ୍ୟ-ସଚିବ, ଅନ୍ୟ କୌଣସି ଡୋମେନ୍ ବିଶେଷଜ୍ଞ/ସାମ୍ବିଧାନିକ ସଂସ୍ଥା/ବିଭାଗ ସମନ୍ୱିତ ସଦସ୍ୟ ରହି ଏହି ମିଶନ ବାତ୍ସଲ୍ୟ ଯୋଜନାକୁ କାର୍ଯ୍ୟକାରୀ କରିବା ପାଇଁ ଜିଲ୍ଲା ଶିଶୁ ମଙ୍ଗଳ ଏବଂ ସୁରକ୍ଷା କମିଟିକୁ ଜିଲ୍ଲା ଶିଶୁ ସୁରକ୍ଷା ୟୁନିଟ୍ ଦ୍ୱାରା ସହାୟତା କରାଯିବ, ଯାହା କାର୍ଯ୍ୟକଳାପ ତଦାରଖ କରିବ ଏବଂ ମିଶନ ବାତ୍ସଲ୍ୟ ଯୋଜନା କାର୍ଯ୍ୟକାରୀ କରିବ, ଡିସିପିୟୁ ସହାୟତାରେ କମିଟି ଜିଲ୍ଲାଗୁଡ଼ିକରେ ସମସ୍ତ ଶିଶୁ ସମ୍ବନ୍ଧୀୟ ସେବାଗୁଡ଼ିକର ସାମୟିକ ଏବଂ ନିୟମିତ ମ୍ୟାପିଂ କରିବ ଯାହା ଦ୍ୱାରା ଏକ ସମ୍ବଳ ନିର୍ଦ୍ଦେଶିକା ସୃଷ୍ଟି କରାଯିବ ଏବଂ ସମୟ ସମୟରେ କମିଟି ଏବଂ ବୋର୍ଡଗୁଡ଼ିକୁ ସୂଚନା ଉପଲବ୍ଧ କରାଯିବ, କଷ୍ଟକର ପରିସ୍ଥିତିରେ ପିଲାମାନଙ୍କର ଧାରା ଏବଂ ଢାଞ୍ଚା ନିରୀକ୍ଷଣ କରିବା ପାଇଁ ଜିଲ୍ଲା ନିର୍ଦିଷ୍ଟ ଡାଟାବେସ୍ ପ୍ରସ୍ତୁତ କରିବା । ଏହି କମିଟି ଜିଲ୍ଲା ସ୍ତରରେ ପୃଷ୍ଠପୋଷକତା ସହାୟତା ରାଶି, ଶିଶୁଙ୍କ ଲାଳନ ପାଳନ ଯତ୍ନ ଓ ସୁରକ୍ଷା, ଆଫ୍ଟରକେୟାର, ଆଶୀର୍ବାଦ, ଯଶୋଦା ଯୋଜନା, ପୋଷ୍ୟ ସନ୍ତାନ ଗ୍ରହଣ, ଶିଶୁ ମାନଙ୍କର ଯତ୍ନ ଏବଂ ପରବର୍ତ୍ତୀ ଯତ୍ନ ସମେତ ଅଣ-ଆନୁଷ୍ଠାନିକ ଯତ୍ନ କାର୍ଯ୍ୟକ୍ରମର କାର୍ଯ୍ୟାନ୍ୱୟନକୁ ମଧ୍ୟ ସହଜ କରିବ । ଡିସିପିୟୁ ସହାୟତାରେ କମିଟି ଶିଶୁମାନଙ୍କ ପୁନର୍ବାସ ଏବଂ ପୁନଃସ୍ଥାପନ ପାଇଁ ମିଶନର ବିଭିନ୍ନ ଦିଗ ଉପରେ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ଏକ ଗଣମାଧ୍ୟମ ଏବଂ ଯୋଗାଯୋଗ ଯୋଜନା ମଧ୍ୟ ପ୍ରସ୍ତୁତ କରିପାରିବ । ଏହା ଜିଲ୍ଲାର ପିଲାମାନଙ୍କ ପାଖରେ ସରକାରୀ କଲ୍ୟାଣକାରୀ ଯୋଜନାର ଲାଭ ପହଞ୍ଚାଇବା ପାଇଁ ଅନ୍ୟାନ୍ୟ ସରକାରୀ ବିଭାଗ ସହିତ ସମନ୍ୱୟ ପାଇଁ ବିଶେଷ ପ୍ରୟାସ କରିବ।ପାଇଁ ମାର୍ଗଦର୍ଶିକାରେ ଲିପିବଦ୍ଧ ଥିବା ବେଳେ ଏହା ବଲାଙ୍ଗିର ଜିଲ୍ଲାରେ ୪ ବର୍ଷ ବିତିଯାଇଥିଲେ ମଧ୍ୟ ଏହା ଠିକ୍ ଭାବରେ କାର୍ଯ୍ୟକାରୀ ହେଉନାହିଁ । ଏଥିପ୍ରତି ଜିଲ୍ଲା ପ୍ରଶାସନ, ବିଭାଗୀୟ ଅଧିକାରୀ ଏବଂ ରାଜ୍ୟ ସରକାରଙ୍କ ମହିଳା ଓ ଶିଶୁ ବିକାଶ ବିଭାଗ ତରଫରୁ ଦୃଢ଼ ପଦକ୍ଷେପ ଗ୍ରହଣ କଲେ ଜିଲ୍ଲାରେ ଥିବା ବିଭିନ୍ନ ଯୋଜନାର ଲାଭ ମିଳିବ ଏବଂ ଶିଶୁମାନଙ୍କୁ ସହାୟତା ମିଳିପାରିବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଜୋର୍ ଧରିଛି ।