- ୨୦୦୦ରୁ ଅଧିକ ରେଳ ଷ୍ଟେସନରେ ଓଏସ୍ଓପି; ୧.୩୨ ଲକ୍ଷ କାରିଗର ସଶକ୍ତ, ପାରମ୍ପରିକ ଶିଳ୍ପର ସଶକ୍ତିକରଣ
ନୂଆଦିଲ୍ଲୀ, (ପିଆଇବି) : ଭାରତୀୟ ରେଳବାଇର ‘ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟ୍ “(ଓଏସ୍ଓପି) ଯୋଜନା ସ୍ଥାନୀୟ କାରିଗରୀକୁ ପ୍ରୋତ୍ସାହିତ କରିବା ପାଇଁ ଏକ ଶକ୍ତିଶାଳୀ ମଞ୍ଚ ଭାବେ ଉଭା ହୋଇଛି । ଏହା ସାରା ଦେଶରେ ତୃଣମୂଳ ସ୍ତରର ଉଦ୍ୟମିତାକୁ ପ୍ରୋତ୍ସାହିତ କରୁଛି । ଏହି ପଦକ୍ଷେପ ରେଳ ଷ୍ଟେସନଗୁଡ଼ିକୁ ଭାରତର ସମୃଦ୍ଧ ଆଞ୍ଚଳିକ ବିବିଧତାର ଜୀବନ୍ତ ପ୍ରଦର୍ଶନରେ ପରିଣତ କରିବାକୁ ଚାହୁଁଛି । ଜାତୀୟ ରେଳ ନେଟୱାର୍କ ସହିତ ସ୍ଥାନୀୟ ଐତିହ୍ୟକୁ ଏକୀକୃତ କରି, ଓଏସ୍ଓପି କେବଳ ଯାତ୍ରୀଙ୍କ ଅଭିଜ୍ଞତାକୁ ବୃଦ୍ଧି କରେ ନାହିଁ ବରଂ ସମାବେଶୀ ଆର୍ଥିକ ଅଭିବୃଦ୍ଧିକୁ ମଧ୍ୟ ସମର୍ଥନ କରେ ।
୨୦୨୬ ଜାନୁଆରୀ ୧୯ ତାରିଖ ସୁଦ୍ଧା, ୨୦୦୨ଟି ଷ୍ଟେସନରେ ଓଏସ୍ଓପି ବିକ୍ରୟକେନ୍ଦ୍ର ପ୍ରତିଷ୍ଠା କରାଯାଇଛି, ଯେଉଁଥିରେ ମୋଟ ୨୩୨୬ଟି ବିକ୍ରୟକେନ୍ଦ୍ର କାର୍ଯ୍ୟକ୍ଷମ ରହିଛି । ଏହି ଦୋକାନଗୁଡ଼ିକ ହଜାର ହଜାର ସ୍ଥାନୀୟ କାରିଗର, ବୁଣାକାର ଏବଂ କ୍ଷୁଦ୍ର ଉତ୍ପାଦକଙ୍କ ପାଇଁ ଜୀବିକାର ଉତ୍ସ ପାଲଟିଛି, ଯେଉଁମାନଙ୍କର ବର୍ତ୍ତମାନ ପ୍ରତିଦିନ ଲକ୍ଷ ଲକ୍ଷ ଯାତ୍ରୀଙ୍କ ସହ ସିଧାସଳଖ ସମ୍ପର୍କ ରହିଛି । ଅଧିକନ୍ତୁ, ୨୦୨୨ରେ ଓଏସ୍ଓପିର ଶୁଭାରମ୍ଭ ପରଠାରୁ, ଏହି ପଦକ୍ଷେପ ସମଗ୍ର ଭାରତରେ ୧.୩୨ଲକ୍ଷ ରୁ ଅଧିକ ହିତାଧିକାରୀଙ୍କ ପାଇଁ ସିଧାସଳଖ ଆର୍ଥିକ ସୁଯୋଗ ଆଣି ଦେଇଛି ।
ସଂଖ୍ୟା ବାଦ୍, ଓଏସ୍ଓପି ପାରମ୍ପରିକ ହସ୍ତଶିଳ୍ପ ଏବଂ ଆଞ୍ଚଳିକ ସ୍ବତନ୍ତ୍ରତାକୁ ପୁନର୍ଜୀବିତ କରିବାରେ ସାହାଯ୍ୟ କରୁଛି ଯାହା ଏକଦା ପ୍ରାଧାନ୍ୟ ହରାଇଥିଲା । ଉତ୍ତର-ପୂର୍ବରେ ହସ୍ତନିର୍ମିତ ମାଟିପାତ୍ର ଏବଂ ବାଉଁଶ କାମ ଠାରୁ ଆରମ୍ଭ କରି ଅନ୍ୟ ଅଞ୍ଚଳରେ ମସଲା, ହସ୍ତତନ୍ତ ଏବଂ ସ୍ଥାନୀୟ ମିଠା ପର୍ଯ୍ୟନ୍ତ, ଉତ୍ପାଦଗୁଡ଼ିକ ପ୍ରତ୍ୟେକ ଅଞ୍ଚଳର ସାମଗ୍ରୀକୁ ପର୍ଯ୍ୟଟକଙ୍କ ନିକଟକୁ ଆଣିଥାଏ ।
ବାଣିଜ୍ୟକୁ ସଂସ୍କୃତି ସହିତ ଯୋଡ଼ି ଭାରତୀୟ ରେଳବାଇ ଷ୍ଟେସନଗୁଡ଼ିକୁ ସ୍ଥାନୀୟ ଉଦ୍ୟୋଗର କେନ୍ଦ୍ରରେ ପରିଣତ କରିଛି । ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟ ପଦକ୍ଷେପ “ଭୋକାଲ୍ ଫର୍ ଲୋକାଲ୍”ର ଏକ ପ୍ରକୃତ ଉଦାହରଣ ଭାବରେ ଛିଡ଼ା ହୋଇଛି, ଯାହା ସମଗ୍ର ଦେଶରେ ଯାତ୍ରୀମାନଙ୍କ ପାଇଁ ଯାତ୍ରା ଅଭିଜ୍ଞତାକୁ ସମୃଦ୍ଧ କରିବା ସହିତ ଗୋଷ୍ଠିଗୁଡ଼ିକୁ ସଶକ୍ତ କରୁଛି ।