ଆଗଲପୁର, (ସୁଶୀଲ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ମୁରଶୁଣ୍ଡ ଖେଳ ପଡିଆରେ ସ୍ପୋର୍ଟ୍ସ ଆସୋସିଏସନ ମୁରଶୁଣ୍ଡ ପକ୍ଷରୁ ଚାଲିଥିବା ନୂଆଁଖାଇ କପ ଫୁଟବଲ ପ୍ରତିଯୋଗିତା ଉଦଯାପିତ ହୋଇଯାଇଛି । ୨୨ ତାରିଖରୁ ଆରମ୍ଭ ହୋଇଥିବା ଏଇ ପ୍ରତିଯୋଗିତାରେ ମୋଟ ୧୬ଟି ଦଳ ଅଂଶ ଗ୍ରହଣ କରିଥିଲେ । ସରଗାଡ଼ ଓ ସକମା ଦଳ ମଧ୍ୟ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା । ନିର୍ଦ୍ଧାରିତ ସମୟ ମଧ୍ୟ୍ୟ ଖେଳ ଅମୀମାଂସିତ ରହିବାରୁ ଟ୍ରାଇବ୍ରେକରର ସହାୟତା ନିଆଯାଇଥିଲା ଓ ଏଥିରେ ସରଗାଡ଼ ଦଳ ବିଜୟୀ ହୋଇଥିଲା । କରୁଣାକର ପଧାନ, ଗୋପାଳ ପଧାନ ଖେଳ ପରିଚାଳନା କରିଥିବାବେଳେ କୈଳାଶ ସେଟ ଓ ଦାମୋଦର ପଧାନ ସହଯୋଗ କରିଥିଲେ । କେଶବ ପଧାନ ଧାରା ବିବରଣୀ ଦେଉଥିଲେ । ଉଦଯାପନୀ ଉତ୍ସବରେ ଯୁବନେତା ଆକାଶ ମିଶ୍ର ମୁଖ୍ୟ ଅତିଥି ଓ ଅଧ୍ୟାପିକା କଲ୍ୟାଣୀ ମିଶ୍ର ସମିତିସଭ୍ୟ ପବିତ୍ରମୋହନ ପଧାନ ପୂର୍ବତନ ଶିକ୍ଷକ ଜଗନ୍ନାଥ ପଧାନ ସମାଜସେବୀ ଦୁର୍ବାସା ସା ସମ୍ମାନିତ ଅତିଥିଭାବେ ଯୋଗଦେଇ ଉଭୟ ବିଜେତା ଓ ଉପବିଜେତା ଦଳକୁ ପୁରସ୍କୃତ କରିଥିଲେ । ଆୟୋଜକ ମୁରସୁଣ୍ଡି ସ୍ପୋର୍ଟ୍ସ ଆସୋସିଏସନର ସମସ୍ତ ସଦସ୍ୟ ସହଯୋଗ କରିଥିଲେ । ସଭାପତି ସୁରେଶ ପଧାନ ସମ୍ପାଦକ ବୀରେନ୍ଦ୍ର ପଧାନ ଧନ୍ୟବାଦ ଦେଇଥିଲେ ।
